నమాజ్‌పై యూపీ సీఎం యోగి వివాదాస్పద వ్యాఖ్యలు
Telangana Telugu | Suryaa Desk | Published : Mon, Mar 05, 2018, 02:04 PM
లక్నోః యూపీ సీఎం యోగి ఆదిత్యనాథ్ మరోసారి వివాదాస్పద వ్యాఖ్యలు చేశారు. హోలీ పండుగను ప్రస్తావిస్తూ నమాజ్‌పై ఆయన చేసిన కామెంట్స్ ఇప్పుడు దుమారం రేపుతున్నాయి. నమాజ్ రోజూ చదువుతారు.. హోలీ ఏడాదికి ఓసారి వస్తుంది.. అందువల్ల కచ్చితంగా ఈ పండుగను గౌరవించాలి అని యోగి అన్నారు. హోలి పండుగను పురస్కరించుకొని నమాజ్ వేళల్లో మార్పులు చేశారు. దీనిపై ఆయన స్పందిస్తూ.. ఇది చాలా మంచి విషయమని అన్నారు. ఫూల్‌పూర్ లోక్‌సభ ఎన్నికలకు ముందు పబ్లిక్ ర్యాలీలో యోగి ఈ వ్యాఖ్యలు చేశారు. నిజానికి నమాజ్ వేళల్లో మార్పు నిర్ణయాన్ని మౌలానా ఖాలిద్ రషీద్ అనే ఓ ఇమామ్ తీసుకున్నారు. ఈయన ఆలిండియా ముస్లిం పర్సనల్ లా బోర్డులో సభ్యుడు కూడా. హోలీ సందర్భంగా శుక్రవారం ప్రార్థనలను 30 నిమిషాల నుంచి గంట ఆలస్యంగా చేయాలని అన్ని మసీదులకు ఆయన సందేశం పంపించారు. గతంలో హోలీ రోజు ప్రార్థనలకు వెళ్లేవారిపై రంగులు చల్లిన ఘటనలు ఉన్నాయని, అలాంటి వాటిని నివారించడానికి ఈ నిర్ణయం తీసుకున్నట్లు ఖాలిద్ చెప్పారు.
|
|
