ట్రెండింగ్
నేటి నుంచి ఐసెట్‌ దరఖాస్తులు
Telangana Telugu | Suryaa Desk | Published : Tue, Mar 14, 2017, 09:00 AM
హైదరాబాద్‌: తెలంగాణలో 2017-18 విద్యా సంవత్సరానికి ఎంబీఏ, ఎంసీఏ కోర్సుల్లో ప్రవేశానికి నిర్వహించనున్న టీఎస్‌ ఐసెట్‌కు ఈనెల 14వ తేదీ నుంచి అభ్యర్థులు దరఖాస్తు చేసుకోవచ్చు. ఏప్రిల్‌ 16 వరకు అపరాధ రుసుం లేకుండా ఆన్‌లైన్‌ ద్వారా దరఖాస్తుకు అవకాశముంది. ఎస్సీ, ఎస్టీలు దరఖాస్తు రుసుం రూ.250, ఇతరులు రూ.350 చెల్లించాలి. రూ.500 ఆలస్య జరిమానాతో ఏప్రిల్‌ 17- 24వ తేదీ వరకు, రూ.2 వేలతో ఏప్రిల్‌ 25- మే 2 వరకు, రూ.5 వేలతో మే 3- మే 8వ తేదీ వరకు, రూ.10 వేలతో మే 9-మే 14వ తేదీ వరకు దరఖాస్తు చేసుకోవచ్చని ఐసెట్‌ కన్వీనర్‌ ఆచార్య కె.ఓంప్రకాష్‌ తెలిపారు. మే 18న ప్రవేశ పరీక్ష జరగనున్న విషయం తెలిసిందే. ఫలితాలను మే 30న విడుదల చేస్తారు. పూర్తి సమాచారాన్ని www.icet.tsche.ac.in వెబ్‌సైట్‌ ద్వారా తెలుసుకోవచ్చు.
|
|
