కేసీఆర్ థర్డ్ ఫ్రంట్‌పై స్పందించిన స్టాలిన్
Telangana Telugu | Suryaa Desk | Published : Tue, Mar 06, 2018, 02:43 PM
చెన్నైః సీఎం కేసీఆర్ థర్డ్ ఫ్రంట్ ఏర్పాటుపై మరో ప్రాంతీయ పార్టీ నేత స్పందించారు. తమిళనాడుకు చెందిన డీఎంకే వర్కింగ్ ప్రెసిడెంట్ స్టాలిన్ మూడో ఫ్రంట్‌పై తన అభిప్రాయాన్ని చెప్పారు. ఇప్పటికే తృణమూల్ కాంగ్రెస్ చీఫ్ మమతా బెనర్జీ ఈ నెల 4వ తేదీని తనకు ఈ విషయమై ఫోన్ చేసినట్లు స్టాలిన్ వెల్లడించారు. అయితే తాము ఇప్పటికే యూపీఏలో భాగస్వామ్య పక్షంగా ఉన్నామని, ఎన్నికలకు మరో ఏడాది మాత్రమే ఉన్న నేపథ్యంలో మూడో ఫ్రంట్‌పై హైలెవల్ కమిటీలో చర్చించి నిర్ణయం తీసుకుంటామని స్పష్టంచేశారు. కేసీఆర్ మూడో ఫ్రంట్ ఆలోచనను తెరపైకి తీసుకురాగానే మమతా బెనర్జీతోపాటు అసదుద్దీన్ ఒవైసీ, హేమంత్ సోరెన్, అజిత్ జోగిలాంటి నేతలు మద్దతు తెలిపిన విషయం తెలిసిందే. ఇప్పటికే కేసీఆర్ కూడా దీనికి సంబంధించిన ఎజెండా రూపకల్పనలో బిజీగా ఉన్నారు. దేశంలోని అన్ని మహానగరాల్లోనూ పర్యటించి.. ఆలిండియా సర్వీసెస్ రిటైర్డ్ అధికారులతో చర్చలు జరపాలని ఆయన నిర్ణయించారు.
|
|
