మీడియాపై మిల్కీ బ్యూటీ ఫైర్
Telangana Telugu | Suryaa Desk | Published : Wed, Mar 07, 2018, 04:02 PM
సినిమా జీవితం అంటేనే ఓ పరుగు పందెం. అక్కడక్కడా స్పీడ్ బ్రేకర్స్ వస్తుంటాయి, చూసుకుని జాగ్రత్తగా స్లో కావాలి, ఆ వెంటనే స్పీడ్ అందిపుచ్చుకోవాలి. ఇందులో ఎక్కడ తేడా వచ్చినా పడిపోవడం ఖాయం. ఎన్నికష్టాలు ఉన్నా నటిగా రాణించాలంటే నిరంతరం ముఖంపై చిరునవ్వు చెరిగిపోకూడదు, ఈ వృత్తి కోసం తాము ఎన్నో త్యాగాలు చేస్తామంటోంది మిల్కీ బ్యూటీ తమన్నా. అయితే సెలబ్రిటీల గురించి కొన్ని రూమర్స్ ఏ ఆధారం లేకుండా పుట్టుకురావడం.. వాటిని తమ వ్యక్తిగత జీవితాలకు ఆపాదించడంపై ఫైర్ అవుతున్నారు తమన్నా.
తమన్నా-ప్రభుదేవ మధ్య ఎఫైర్ నడుస్తోందట.., తమన్నా కొత్త సినిమాలో లిప్లాక్ ఉందట.., దానికి ప్రత్యేకించి రేట్ కూడా ఫిక్స్ చేసిందట.., ఇలా గత కొంతకాలంగా మిల్కీబ్యూటీ తమన్నాపై లేనిపోని రూమర్స్ పుట్టుకొస్తూనే ఉన్నాయి. అయితే వీటిని గతంలో బహిరంగంగానే ఖండించింది తమన్నా. తాజాగా నా గురించి మీడియాలో ఏ వార్త వచ్చినా దయచేసి నన్ను సంప్రదించి క్లారిటీ తీసుకున్న తరువాతే వార్తలను ప్రసారం చేయమంటూ మీడియాను వేడుకుంది తమన్నా. టీఆర్ఫీ రేటింగ్స్ కోసం వార్తల్ని వక్రీకరించవద్దని, లేనిపోని వాటిని ఏ ఆధారం లేకుండా ఇష్టం వచ్చినట్లు రాసేస్తారా అంటూ ప్రశ్నించింది.
|
|
