మహిళా దినోత్సవం ప్రత్యేక కోట్స్

ఆమె’... తల్లిగా లాలిస్తుంది, చెల్లిగా తోడుంటుంది... భార్యగా బాగోగులు చూస్తూ.. దాసిలా పనిచేస్తుంది. కుటుంబ భారాన్ని మోస్తూ... సర్వం త్యాగం చేస్తుంది. అంతటి గొప్ప మహిళకు మనసారా ధన్యవాదాలు చెప్పుకునే సమయం ఇదే. నేడు అంతర్జాతీయ మహిళా దినోత్సవం. ఈ సందర్భంగా ‘ఆమె’కు మనసారా శుభాకాంక్షలు తెలపండి. వీలైతే.. ఓ చక్కని బహుమతితో ఆమెను సంతోషపెట్టండి. ‘ఆమె’ మనసును తాకే చక్కని సందేశాలు మీ కోసం. వీటిని మీ వాట్సాప్, సోషల్ మీడియా సైట్లలోకి షేర్ చేసుకోండి. 

‘‘స్త్రీ లేకపోతే జననం లేదు. స్త్రీ లేకపోతే గమనం లేదు. స్త్రీ లేకపోతే సృష్టిలో జీవం లేదు. స్త్రీలేకపోతే అసలు సృష్టే లేదు’’.... కంటిపాపలా కాపాడే ‘స్త్రీమూర్తి’కి అంతర్జాతీయ మహిళా దినోత్సవ శుభాకాంక్షలు.

‘‘యత్ర నార్యంతు పూజ్యంతే రమంతే తత్ర దేవతా’’ - స్త్రీ ఎక్కడ గౌరవించబడుతుందో అక్కడ దేవతలు ఉంటారు. అంతర్జాతీయ మహిళా దినోత్సవ శుభాకాంక్షలు.

‘‘కార్యేషు దాసి.. కరణేశు మంత్రి.. భోజ్యేసు మాత.. ఇలా సమస్తం నీవే. ఓ మాతృ మూర్తి.. ఈ మహిళా దినోత్సవం సందర్భంగా మీ కిదే మా వందనం!!

‘‘అమ్మను పూజించు.. భార్యను ప్రేమించు.. సోదరిని దీవించు.. ముఖ్యంగా మహిళలను గౌరవించు’’ - హ్యాపీ ఉమెన్స్ డే!

కనులు తెరిచిన క్షణం నుంచి.. బంధం కోసం బాధ్యత కోసం.. కుటుంబం కోసం.. అందర్నీ కనుపాపలా తలచి, ఆత్మీయత పంచి, తనవారి కోసం అహర్నిశలు కష్టించి, వారిని సహించి, వారి భవిష్యత్తు గురించి, తన ఇంటిని నందనవనం చేసే స్త్రీ మూర్తికి... పాదాభివందనం!!

అంతర్జాతీయ మహిళా దినోత్సవ శుభాకాంక్షలు

అన్నం కలిపి గోరు ముద్ద పెట్టేప్పుడు తన బిడ్డ ఉన్న ప్రేమ కూడా కలిపి పెడుతుంది. ఆ బిడ్డ ఎంతో ఇష్టంగా ఆ ముద్దలు తింటుంటే... ఆ బిడ్డ కడుపు నిండుతుందో లేదో కానీ, ఆ తల్లి కడుపు ఆనందంతో నిండిపోతుంది. అదీ.. అమ్మ ప్రేమంటే. స్త్రీమూర్తి గొప్పతనమంటే.

హ్యపీ ఉమెన్స్ డే!

అమ్మంటే అంతులేని సొమ్మురా.. అది ఏనాటికి తరగని భాగ్యమురా. అమ్మ మనసున అమృతమే చూడరా.. అమ్మ ఒడిలో స్వర్గమే ఉందిరా. ఆమె విలువ తెలుసుకుని ప్రేమతో మసులుకోరా.. 

- వనితామణులకు అంతర్జాతీయ మహిళా దినోత్సవ శుభాకాంక్షలు

‘‘తరలిపో తరలిపో.. చీకటి నుంచి వెలుగుకు తరలిపో.. కుందేలువి కావు.. పులిలా మారిపో.. వెంటాడే ఒడిదుడుకుల మృగాలతో యుద్ధానికి తరలిపో...’’ ఓ మహిళా మీకివే మా వందనాలు. హ్యాపీ ఉమెన్స్ డే. 

‘‘ఆడ పిల్లనమ్మా అంటూ దిగులు చెందకు. ఆడ పులిలా ఈ లోకానికి నీవెంటో నిరూపించు. తోటి మహిళల్లో వెలుగులు నింపు. నీవేంటో ఈ ప్రపంచానికి తెలియజెప్పు’’ - హ్యపీ ఉమెన్స్ డే మిత్రమా!

‘‘వందలో ఒక్కరు.. కోట్లలో ఒక్కరు. నన్ను నన్నుగా ప్రేమించిన ఒకే ఒక్కరు.. అమ్మ’’ - అంతర్జాతీయ ఉమెన్స్ డే శుభాకాంక్షలు.

‘‘పదాలు తెలియని పెదవులకు అమృత వ్యాఖ్యం అమ్మ. ఆమె చల్లని ఒడిలో మొదలైంది ఈ జన్మ.. మహిళగా నీ త్యాగం ఎప్పటికీ మరవలేమమ్మా’’ - హ్యాపీ ఉమెన్స్ డే.

‘‘అమ్మ, సోదరి, భార్య, అమ్మమ్మగా.. ఇంకా ఎన్నో రూపాల్లో ప్రేమను పంచుతుంది మహిళను గౌరవిద్దాం. ఆమెకు ఏ కష్టం రాకుండా కాపాడుకుందాం’’ - అంతర్జాతీయ మహిళా దినోత్సవ శుభాకాంక్షలు