మహిళా దినోత్సవంపై కోహ్లీ ఏమన్నాడంటే
Telangana Telugu | Suryaa Desk | Published : Thu, Mar 08, 2018, 12:34 PM
అంతర్జాతీయ మహిళా దినోత్సవం సందర్భంగా టీమిండియా కెప్టెన్ విరాట్ కోహ్లీ ప్రపంచవ్యాప్తంగా ఉన్న మహిళలందరికి సోషల్ మీడియా ద్వారా శుభాకాంక్షలు తెలిపాడు. ఈ సందర్భంగా తన భార్య అనుష్క శ‌ర్మపై ప్ర‌శంస‌లు కురిపించాడు. మహిళా సాధికారత, సమానత్వం, మహిళా అభ్యున్నతికి సంబంధించిన కార్యక్రమాల్లో విరాట్ చురుగ్గా పాల్గొనడంతో పాటు వారికి మద్దతుగా నిలుస్తున్నాడు. ఉమెన్స్ డే సందర్భంగా ముఖ్యంగా తన జీవిత భాగస్వామికి ప్రత్యేక విషెస్ తెలిపాడు. ఈ సందర్భంగా ఓ వీడియో కూడా పోస్ట్ చేశాడు. విరాట్ ఏమన్నాడంటే.. పురుషులు, మహిళలు సమానం కాదు. నిజాయతీగా చెప్పాలంటే.. ఒకరిని మరొకరితో పొల్చడం చాలా సులభం. లైంగిక వేధింపులు, వివక్ష, సెక్సిజమ్, గృహా హింస, బెదిరింపులు ఇలా చెప్పుకుంటూ పోతే చాలనే ఉన్నాయి. ఇవన్నీ ఉన్నప్పటికీ మహిళల ఎదుగుదల, అభ్యున్నతి కొనసాగుతుంది. ఇప్పటికి మహిళలు పురుషులతో సమానమేనా? లేదు. సమానత్వం కన్నా వాళ్లు ఎక్కువే. ప్రపంచవ్యాప్తంగా ఉన్న మహిళలందరికి మహిళా దినోత్సవ శుభాకాంక్షలు తెలుపుతున్నానని కోహ్లీ వివరించాడు. మీ జీవితంలో అసాధారణ ప్రతిభగల మహిళలను ట్యాగ్ చేయండని ట్విటర్ ద్వారా అభిమానులకు పిలుపునిచ్చాడు.
Tag the extraordinary woman in your life who is #BetterThanEqual @Staywrogn@AnushkaSharma pic.twitter.com/NdjNEPYQjD
— Virat Kohli (@imVkohli) March 8, 2018
|
|
