ట్రెండింగ్
ఏవియేషన్‌ అకాడమీలను తెలంగాణ ప్రభుత్వం ప్రోత్సహిస్తోంది: మంత్రి కేటీఆర్‌
Telangana Telugu | Suryaa Desk | Published : Thu, Mar 08, 2018, 02:28 PM
హైదరాబాద్‌: ఏవియేషన్‌ అకాడమీలను తెలంగాణ ప్రభుత్వం ప్రోత్సహిస్తోందని మంత్రి కేటీఆర్‌ అన్నారు. బేగంపేట విమానాశ్రయంలో వింగ్స్‌ ఇండియా-2018 సదస్సును ప్రారంభించిన అనంతరం మంత్రి కేటీఆర్‌ మాట్లాడారు. హైదరాబాద్‌ దేశంలో ఐదో అతిపెద్ద నగరమన్నారు. రాష్ట్రంలో విమానయాన రంగానికి అపారమైన అవకాశాలు ఉన్నాయన్నారు. శంషాబాద్‌ విమానాశ్రయం పరిధిలో 5,500 ఎకరాల ప్రభుత్వ భూమి ఉందని పేర్కొన్నారు. హైదరాబాద్‌ ఏవియేషన్‌ రంగానికి కేంద్రంగా ఉందని మంత్రి కేటీఆర్‌ అన్నారు. నేషనల్‌ ఏవియేషన్‌ వర్సిటీని హైదరాబాద్‌లో ఏర్పాటు చేయాలన్నారు. బోయింగ్‌, ఎయిర్‌బస్‌ వంటి గొప్ప సంస్థలు తమ సేవలను హైదరాబాద్‌కు విస్తరించాలన్నారు. రాజీవ్‌, జీఎంఆర్‌ ఏవియేషన్‌ అవకాడమీలు హైదరాబాద్‌లో ఉన్నాయని పేర్కొన్నారు. ఏడాదికి 200 మంది నైపుణ్యమైన మానవవనరులు బయటకు వస్తున్నారన్నారు.
|
|
