నా భార్యకన్నా ధోనీ అంటేనే ఇష్టం
Telangana Telugu | Suryaa Desk | Published : Sat, Mar 10, 2018, 09:48 AM
కొలంబో: మొహమ్మద్‌ బషీర్‌ అలియాస్‌ చాచా చికాగో.. ఓ పాకిస్థానీయుడు. ఇతను భారత జట్టు అభిమానే కాకుండా మాజీ కెప్టెన్‌ ధోనీ అంటే అమితం గా ఆరాధిస్తాడు. ఎంతగా అంటే అతడి భార్యకన్నా ధోనీ అంటేనే ఇష్టమని బాహాటంగా ప్రకటించేంతగా! ప్రస్తు తం బషీర్‌ ముక్కోణపు టోర్నీని తిలకించేందుకు శ్రీలంకలో ఉన్నాడు. 2011 ప్రపంచకప్‌లో భారత్, పాక్‌ మ్యాచ్‌ను వీక్షించేందుకు మొహాలీ వచ్చిన సందర్భంగా అతడికి ధోనీ అంటే అభిమానం ఏర్పడింది. ‘సెమీస్‌ మ్యాచ్‌ కోసం నేను మొహాలీకి వచ్చేసరికి టిక్కెట్లన్నీ అమ్ముడ య్యాయి. దీంతో ఓ ప్లకార్డుపై ‘నేను మ్యాచ్‌ను చూడాలనుకుంటున్నాను’ అని రాశాను. రెండోరోజు ఓ వ్యక్తి వచ్చి టిక్కెట్లున్న కవర్‌ను ఇచ్చాడు. ఇది ధోనీ సాబ్‌ పంపింది అని చెప్పాడు. నిజానికి అప్పటికి నాకు ధోనీ గురించి తెలీదు. టిక్కెట్లను చూశాక ఎంతో ఆనందించాను. నిజం చెబుతున్నాను.. నాకు నా భార్యకన్నా ధోనీ అంటేనే ఎక్కువ ఇష్టం’ అని చెప్పాడు. భారత్‌లో ప్రేమ ఎక్కువగా లభిస్తుంది కాబట్టే తాను కోహ్లీ సేనను ఇష్టపడతానని చెప్పాడు.
|
|
