పీఎన్‌బీలో మరో మోసం..
Telangana Telugu | Suryaa Desk | Published : Thu, Mar 15, 2018, 12:30 PM
పంజాబ్‌ నేషనల్‌ బ్యాంకు(పీఎన్‌బీ)లో మరో మోసం బయటపడింది. ఇటీవల పీఎన్‌బీ ముంబయి బ్రాంచ్‌లో వెలుగుచూసిన రూ.12వేల కోట్ల భారీ కుంభకోణం దేశవ్యాప్తంగా సంచలనం సృష్టించిన సంగతి తెలిసిందే. తాజాగా ఇదే బ్యాంకులో మరో మోసం వెలుగులోకి వచ్చింది. ఈ బ్యాంకులో దాదాపు రూ. 9కోట్ల (91 మిలియన్ల రూపాయలు) మేర మోసపూరిత లావాదేవీలు జరిగినట్లు సమాచారం. చాంద్రీ పేపర్, అల్లయిడ్‌ ప్రొడక్ట్స్‌ ప్రైవేట్ లిమిటెడ్‌ కంపెనీలకు చెందిన కొందరు అధికారులు ఈ బ్రాంచ్‌లో రూ. 9కోట్ల మోసపూరిత లావాదేవీలకు పాల్పడినట్లు ఆరోపణలు వెల్లువెత్తాయి.
దీంతో ఆయా సంస్థలపై సీబీఐ కేసు నమోదు చేసినట్టు తెలుస్తోంది. ఈ ఆరోపణలపై పీఎన్‌బీ ప్రతినిధి ఎవరూ కూడా స్పందించలేదు. చాంద్రీ పేపర్ సంస్థ నుంచి ఎలాంటి స్పందన రాలేదు. వజ్రాల వ్యాపారి నీరవ్ మోదీ, ఆయన బంధువు మెహుల్‌ ఛోక్సీ ఈ బ్యాంకు నుంచి అక్రమంగా విదేశాల్లోని భారతీయ బ్యాంకుల నుంచి రుణాలు పొందినట్లు ఆరోపణలు వెల్లువెత్తాయి. నీరవ్, ఛోక్సీలపై దర్యాప్తు సంస్థలైన సీబీఐ, ఈడీ కేసులు నమోదు చేయగా, అప్పటికే వీరంతా దేశాన్ని దాటేసి విదేశాలకు చెక్కేశారు. మరోవైపు వీరిని ఎలాగైన భారత్‌కు రప్పించేందుకు ఈడీ, సీబీఐ విస్తృత ప్రయత్నాలు చేస్తోంది.
|
|
