గ్రామాల్లో శ్మశానవాటికలు నిర్మిస్తున్నాం : మంత్రి జూపల్లి
Telangana Telugu | Suryaa Desk | Published : Tue, Mar 20, 2018, 11:58 AM
హైదరాబాద్ : గ్రామాల్లో శ్మశాన వాటికలను నిర్మిస్తున్నామని మంత్రి జూపల్లి కృష్ణారావు తెలిపారు. శాసనసభలో ప్రశ్నోత్తరాల సందర్భంగా శ్మశానవాటికల నిర్మాణంపై సభ్యులు అడిగిన ప్రశ్నలకు మంత్రి సమాధానం ఇచ్చారు. శ్మశానవాటికల ఏర్పాటు విషయంలో తీవ్రమైన సమస్య ఉందన్నారు. అయితే శ్మశానవాటికల నిర్మాణానికి సంభందించి అధికారాలు జిల్లా కలెక్టర్లకు ఇవ్వడం జరిగిందన్నారు. శ్మశానవాటికలు ఏర్పాటు చేసే ప్రాంతాల్లో టాయిలెట్లు నిర్మాణం నరేగా ద్వారానే జరుగుతుంది. అయితే ప్రధాన సమస్య భూసేకరణ. ప్రభుత్వ స్థలాలతో పాటు అసైన్డ్ ల్యాండ్స్ నిరూపయోగంగా ఉన్న చోట నిర్మిస్తున్నాం. సంబంధిత మంత్రులతో సమావేశం ఏర్పాటు చేసి ల్యాండ్ సమస్యను అధిగమించేందుకు చర్యలు తీసుకుంటామన్నారు. శిఖం భూముల్లో శ్మశాన వాటికల నిర్మాణానికి సంబంధించి పరిశీలన చేస్తున్నాం. వానకాలం శిఖం భూముల్లో నీరు నిల్వ అయ్యే అవకాశం ఉందన్నారు. కాబట్టి వీలును బట్టి నిర్మాణం చేపడుతామన్నారు. శ్మశాన వాటికల నిర్మాణానికి సంబంధించి సమగ్ర చర్చ చేపట్టి వీలైనంత త్వరగా సమస్యలను అధిగమిస్తామని మంత్రి స్పష్టం చేశారు.
|
|
