‘మోసుల్ నుంచి ఈ వార్త తెలియగానే దిగ్భ్రాంతికి గురయ్యా
Telangana Telugu | Suryaa Desk | Published : Tue, Mar 20, 2018, 03:44 PM
ఇరాక్లో 39 మంది భారతీయుల మృతిపై పశ్చిమ్బంగా ముఖ్యమంత్రి మమతాబెనర్జీ తీవ్ర దిగ్భ్రాంతి వ్యక్తం చేశారు. ‘మోసుల్ నుంచి ఈ వార్త తెలియగానే దిగ్భ్రాంతికి గురయ్యాను. ఇది చాలా విచారకరం. ఆ 39 మంది కుటుంబాలను ఓదార్చేందుకు మాటలు రావట్లేదు. వారికి ఆ దేవుడు అండగా ఉండాలి’ అని మమత ట్వీట్ చేశారు. భారతీయుల మృతిపై కాంగ్రెస్ పార్టీ కూడా సంతాపం తెలిపింది. ‘ఇది చాలా బాధకరమైన సమయం. ఇలాంటి సమయంలో మృతుల కుటుంబాలకు మేం అండగా ఉంటాం. మా డిమాండ్ ఒక్కటే. కేంద్ర, రాష్ట్ర ప్రభుత్వాలు ఆ కుటుంబాలకు ఆర్థిక సాయం అందజేయాలి. ఉద్యోగాలు కూడా కల్పించాలి’ అని కాంగ్రెస్ సీనియర్ నేత గులాం నబీ ఆజాద్ అన్నారు.
2014లో ఇరాక్లోని మోసుల్ నగరంలో అపహరణకు గురైన 39 మంది భారతీయులు చనిపోయినట్లు కేంద్ర విదేశాంగ మంత్రి సుష్మాస్వరాజ్ నేడు రాజ్యసభలో వెల్లడించారు. మృతుల డీఎన్ఏ వారి కుటుంబసభ్యుల డీఎన్ఏతో సరిపోయిందని తెలిపారు. మోసుల్ నుంచి తిరిగివస్తుండగా ఇస్లామిక్ స్టేట్ ఉగ్రవాదులు వీరిని కిడ్నాప్ చేసి చంపేశారు. మృతుల్లో పశ్చిమ్బంగా, పంజాబ్, హిమాచల్ప్రదేశ్, బిహార్ రాష్ట్రాలకు చెందినవారున్నారు.
|
|
