శాసనసభ్యుల సభ్యత్వ రద్దుపై హైకోర్టులో విచారణ
Telangana Telugu | Suryaa Desk | Published : Tue, Mar 27, 2018, 10:56 AM
కాంగ్రెస్ సభ్యుల శాసన సభ సభ్యత్వం రద్దుపై మంగళవారం హైకోర్టులో విచారణ జరగనుంది. ఇప్పటికే ఈ కేసు వాదిస్తున్న తెలంగాణ ప్రభుత్వ అడ్వొకేట్ జనరల్ ప్రకాష్ రెడ్డి సోమవారం రాజీనామా చేసిన సంగతి తెల్సిందే. ప్రకాష్ రెడ్డి స్థానంలో సుప్రీంకోర్టు నుంచి ప్రముఖ న్యాయవాది హరీష్ సాల్వే కేసు వాదించడానికి వస్తున్నారు. గవర్నర్ ప్రసంగం రోజు జరిగిన వీడియోలను, ఒరిజినల్ సీడీలను కోర్టుకు సమర్పించాలని గతంలో టీఎస్ ప్రభుత్వానికి హైకోర్టు ఆదేశించిన సంగతి విదితమే.
మంగళవారం సమర్పిస్తామని గతంలో తెలంగాణ ప్రభుత్వ అడ్వొకేట్ జనరల్ సమయం తీసుకున్నారు. దీనికి సంబంధించిన వీడియోలు కోర్టుకు ఈరోజు సమర్పిస్తారా....లేదా అన్నది వేచి చూడాల్సిందే. పిటిషనర్ తరపు న్యాయవాది రవి శంకర్ జంధ్యాల స్థానంలో సుప్రీంకోర్టు న్యాయవాది అభిషేక్ సింగ్వి వాదించనున్నారు. నేడు ఇద్దరు సుప్రీంకోర్టు న్యాయవాదులు మరోసారి శాసనసభ సభ్యత్వంపై వాదించనున్నారు.
|
|
