ఇది ఎన్నికల మీటింగ్ కాదు: హరీష్ రావు
Telangana Telugu | Suryaa Desk | Published : Thu, Apr 27, 2017, 06:11 PM
వరంగల్ లో జరిగే టిఆర్ఎస్ 17వ ఆవిర్భావ సభ ఎన్నికలను దృష్టిలో పెట్టుకొని జరిపేది ఎంతమాత్రం కాదని మంత్రి హరీష్ రావు స్పష్టం చేశారు. గురువారం జిల్లాలోని ప్రకాష్ రెడ్డి పేటలో జరుగుతున్న టిఆర్ఎస్ బహిరంగ సభలో ప్రజలు, కార్యకర్తలకు ఎలాంటి ఇబ్బందులు రాకుండా హరీష్ రావు దగ్గరుండి చూసుకుంటున్నారు.ఈ సందర్భంగా ఆయన మీడియాతో మాట్లాడారు. ‘తెలంగాణ రాష్ట్రం వచ్చాక తొలిసారిగా టిఆర్ఎస్ కుటుంబ సభ్యులంతా ఒకే చోట కలిసే ఆత్మీయ సమ్మేళం. 75లక్షల సభ్యులున్న టిఆర్ఎస్ ఏర్పాటు చేసుకున్న సమావేశం. ఇది ఎన్నికల సమావేశం ఎంతమాత్రం కాదు. మిగతా పార్టీలు సభలు పెట్టి జనాలను తరలిస్తే టిఆర్ఎస్ కు స్వచ్ఛందంగా తరలివస్తారు’ అని హరీష్ పేర్కొన్నారు.ప్రత్యేక రాష్ట్ర ఏర్పాటు కోసం నడిపిన ఉద్యమ, రాష్ట్రం సాధించుకున్నాక చేపట్టి పథకాలు, ఇతర కార్యక్రమాలు ఈ సభలో చర్చించనున్నట్లు ఆయన తెలిపారు.ముందస్తు ఎన్నికల కోసం కేంద్రం యోచిస్తున్నట్లు వస్తున్న వార్తలపై స్పందించిన హరీష్ రావు.. తాము ఈ ప్రచారం జరగకముందే బహిరంగ సభకు ప్లాన్ చేసుకున్నట్లు వివరించారు.
|
|
