ట్రెండింగ్
యాంకర్ సుమ అరెస్ట్
Telangana Telugu | IANS | Published : Sat, Feb 25, 2017, 08:04 PM
దర్శక ధీరుడు రాజమౌళి అత్యంత ప్రతిష్టాత్మకంగా తెరకెక్కిస్తున్న చిత్రం ‘బాహుబలి’. మొదటి భాగం ఘనవిజయం సాధించిన తర్వాత ప్రస్తుతం ‘బాహుబలి: ది కంక్లూజన్’ పనిలో బిజీగా ఉన్నాడు. ప్రస్తుతం ఈ సినిమా షూటింగ్ రామోజీ ఫిలిమ్ సిటీలో వేసిన సెట్లో జరుగుతోంది. శుక్రవారంనాడు అక్కడకు వెళ్లిన సుమ ఆ సెట్లో ఓ సెల్ఫీ తీసుకుంది. ‘బాహుబలి’ సెట్కు వచ్చేవారెవరూ కెమేరాలు, సెల్ఫోన్లు తీసుకురాకూదని, సెల్ఫీలు అసలు తీసుకోకూడదని జక్కన్న ఆర్డర్ వేసిన విషయం తెలిసిందే.
ఈ ఆర్డర్ను పట్టించుకోని సుమ అక్కడ సెల్ఫీ తీసుకుంది. దీంతో వెంటనే దేవసేన కోసం తయారుచేసిన జైల్లో పడిపోయింది. తనను విడిపించమని వేడుకుంది. ఎవరూ వినకపోయేసరికి ఆ జైలు నుంచే రాజమౌళిని ఇంటర్వ్యూ చేసింది. ఇదంతా ‘బాహుబలి’ ప్రమోషన్ కార్యక్రమాల్లో భాగంగా శివరాత్రి రోజు దర్శకుడు రాజమౌళి వెరైటీగా ప్లాన్ చేసిన ప్రోగ్రామ్. వెరైటీగా దేవసేన జైల్లో సుమను ఉంచి ఆమె అడిగిన ప్రశ్నలకు సమాధానం చెప్పాడు రాజమౌళి. ఆ తర్వాత తమ సినిమా ఆడియో ఫంక్షన్ ప్రోగ్రామ్కు డబ్బులు తీసుకోకుండా హోస్ట్గా వ్యవహారిస్తానని మాట ఇస్తేనే జైలు నుంచి విడుదల చేస్తానని కండీషన్ పెట్టాడు. అందుకు సుమ అంగీకరించడంతో వెంటనే ఆమెను విడుదల చేసి ఇంటర్వ్యూ కంటిన్యూ చేశాడు.
|
|
