బోటు బోల్తా పడిన దుర్ఘటనలో ఒకరు మృతి
Telangana Telugu | Suryaa Desk | Published : Mon, Jul 10, 2017, 01:34 PM
నాగ్ పుర్ :మహారాష్ట్రాలో విషాదం చోటు చేసుకుంది. బోటు బోల్తా పడిన దుర్ఘటనలో ఒకరు మృతిచెందగా, మరో ఏడుగురు గల్లంతయ్యారు. నాగ్ పుర్ కు 25 కిలోమీటర్ల దూరంలో ఉన్న అమరావతి రోడ్డు సమీపంలో ఉన్న వెనా డ్యాంలో ఈ సంఘటన చోటు చేసుకుంది. వివరాలు ఎనిమిది యువకులు కలిసి పుట్టిన రోజు వేడుకలు చేసుకోవడానికి బోటు షికారుకు వెనా డ్యాంకు వచ్చారు. ముగ్గురు బోటు సిబ్బందితో కలిసి ఆదివారం సాయంత్రం బోటు షికారుకు వెళ్లారు. సరిగ్గా డ్యాం మధ్యలోకి చేరుకోగానే బోటు బోల్తాపడింది. ఈ దుర్ఘటనలో ఒకరు మృతిచెందగా, ఏడుగురి ఆచూకీ గల్లంతయ్యింది. ముగ్గురురిని రెస్క్యూ సిబ్బంది కాపాడగలిగింది. ఏడుగురి కోసం రెస్యూసిబ్బంది గాలింపు చర్యలు కొనసాగిస్తోందని నాగ్ పుర్ రూరల్ అడిషనల్ ఎస్పీ సురేష్ బోయట్ తెలిపారు. కాగా, బోటు ప్రమాదానికి గురికావడానికి కొద్దిక్షణాల ముందు యువకులు కేరింతలు కొడుతూ సరదాగా గడుపిన ఓ వీడియోను పోలీసులు వెల్లడించారు. బోటులో ఉన్న ఓ యువకుడు తన ఫేస్ బుక్ అకౌంట్ నుంచి ఫోన్ సహాయంతో లైవ్ టెలీకాస్ట్ చేశాడు. మిత్రులందరూ కలిసి బోటులో ఆనందంగా గడుపిన కొద్దిసేపటికే ఈ దుర్ఘటన చోటుచేసుంకుంది.
|
|
