శాన్‌ఫ్రాన్సిస్కోలో తప్పిన ఘోర విమానప్రమాదం
Telangana Telugu | Suryaa Desk | Published : Wed, Jul 12, 2017, 05:37 PM
వాషింగ్టన్‌: 135 మంది ప్రయాణికులతో వెళ్తున్న ఎయిర్‌ కెనడా విమానానికి శాన్‌ఫ్రాన్సిస్కోలోని విమానాశ్రయంలో పెను ప్రమాదం తప్పింది. ఈ ఘటనపై అమెరికా ఏవియేషన్‌ అధికారులు విచారణ చేపట్టారు. గతవారం జరిగిన ఈ ఘటన ఆలస్యంగా వెలుగులోకి వచ్చింది.
ఎయిర్‌ కెనడాకు చెందిన ఎయిర్‌బస్‌ ఏ 320 విమానం ల్యాండ్‌ అయ్యేందుకు శాన్‌ప్రాన్సిస్కో అంతర్జాతీయ విమానాశ్రయంలోని రన్‌వే-28ను ఇచ్చారు. అయితే పైలెట్‌ రన్‌వే-28పై విమానాన్ని దించకుండా ట్యాక్సీవే ప్రాంతంలో దించేందుకు ప్రయత్నించారు. అప్పటికే ఆ ట్యాక్సీవే పై నాలుగు విమానాలు టేకాఫ్‌కు సిద్ధంగా ఉన్నాయి. గమనించిన ఎయిర్‌ ట్రాఫిక్‌ కంట్రోలర్‌ అధికారులు వెంటనే ఎయిర్‌ కెనడా పైలెట్‌కు సమాచారాన్ని అందించారు. వెంటనే గ్రహించిన పైలెట్‌ విమానాన్ని కొద్ది సేపటి తర్వాత విమానాన్ని సురక్షితంగా ల్యాండ్‌ చేశారు. ఆ సమయంలో విమానంలో దాదాపు 135 మంది ప్రయాణికులు, ఐదుగురు విమాన సిబ్బంది ఉన్నారు. ‘ట్యాక్సీవేపై ఉన్న నాలుగు విమానాలను ఎయిర్‌కెనడా విమానం ఢీ కొట్టి ఉంటే ఘోర ప్రమాదం సంభవించి ఉండేంది. అది వూహించడానికి కూడా భయంకరంగా ఉందని’ యునైటెడ్‌ ఎయిర్‌లైన్స్‌ మాజీ కెప్టెన్‌ రోస్‌ రోస్‌ అన్నారు.
|
|
