ట్రెండింగ్
మావోలకు భారీ ఎదురుదెబ్బ
Telangana Telugu | Suryaa Desk | Published : Thu, Dec 14, 2017, 11:40 AM
భద్రాద్రి కొత్తగూడెం జిల్లాలో గురువారం ఉదయం భారీ ఎన్‌కౌంటర్‌ చోటు చేసుకుంది. ఇల్లెందు, కొత్తగూడెం మధ్యనున్న టేకులపల్లి అటవీ ప్రాంతంలో పోలీసులు, మావోయిస్టుల మధ్య కాల్పులు జరిగాయి. ప్రాథమికంగా అందిన సమాచారం ప్రకారం ఈ ఎన్‌కౌంటర్లో చంద్ర పుల్లారెడ్డి దళానికి చెందిన 8 మంది మావోయిస్టులు మృతి చెందారని తెలుస్తోంది. పక్కా సమాచారం అందుకున్న పోలీసులు సంపత్‌నగర్ - గంగారం మధ్యనున్న అటవీ ప్రాంతానికి చేరుకోగా ఇరు వర్గాల మధ్య కాల్పులు చోటు చేసుకున్నాయి.
ఈ ఎన్‌కౌంటర్లో ఎనిమిది మంది చనిపోయారని తెలుస్తుండగా.. ఆరుగురు చనిపోయారని అధికారులు ధృవీకరించారు. మూడు మృతదేహాలను గుర్తించిన పోలీసులు, మిగతా వాటిని పరిశీలిస్తున్నారు. ఈ ఎన్‌కౌంటర్‌తో ఇల్లెందు ప్రాంతంలో మావోలకు కోలుకోలేని దెబ్బ తగిలినట్లే.
|
|
