హైదరాబాద్ లో బైక్ రేసింగ్ కల్చర్ రోజురోజుకి పెరిగిపోతుంది. ఎక్కడో నగరశివారున రాత్రి వేళల్లో జరిగే ఈ రేసింగ్ తాజాగా హైదరాబాద్ నడిబొడ్డున నెక్లెస్ రోడ్డు కేంద్రంగా జరుగుతుంది. నిత్యం జరిగే ఈ రేసింగులతో ప్రాణాలు పోతున్నా యువత మాత్రం ఈ వ్యసనాన్ని వదలలేకపోతున్నారు. ఈరోజు నెక్లెస్ రోడ్డులో బైక్ రేసింగ్ జరుగుతుండగా ఓ బైక్ అదుపుతప్పి డివైడర్ ను ఢీకొట్టింది. ఈ ఘటనలో ఓ యువకుడు మృతి చెందగా మరో యువకుడి పరిస్థితి విషమంగా ఉంది. రేసింగ్ వలనే ప్రమాదం జరిగిందని పోలీసులే చెప్తుండగా ఇకపై ఇలాంటివి జరగకుండా కట్టడి చేస్తామని చెప్తున్నారు.