Nukarapu Surya Prakasa Rao | బాలీవుడ్ బాద్‌షా అమితాబ్ ఫాల్కే అవార్డు అందుకోవటం గురించి సూర్య అధినేత అభిప్రాయం

Nukarapu Surya Prakasa Rao - నూకారపుసూర్యప్రకాష్ రావు

ప్రశ్న: సినీ మూల పురుషుడు ఫాల్కే అవార్డు అందుకోవ‌టానికి బాలీవుడ్ బాద్‌షా అమితాబ్ అన్ని విధాలా అర్హుడే. ఈ విష‌యంలో సందేహంలేదు. దీనిపై మీరేమంటారు.

-వ‌సుధాకుమారి.ఎం. వ‌రంగ‌ల్‌

జవాబు: నిజ‌మే వ‌సుధ గారూ... ఫాల్కే అవార్డుకు ఈ సంవత్సరం అమితాబ్ బచ్చన్‌కి ఇస్తున్నట్టు కేంద్ర సమాచార, ప్రసార శాఖామంత్రి ప్రకాష్ జవదేకర్ ప్రకటించారు. రెండు తరాలుగా అందరిని ఇన్స్పయిర్ చేస్తూ, అందరిని ఎంటర్టైన్ చేస్తున్న అమితాబ్ బచ్చన్‌ని ఈ అవార్డుకి ఏకగ్రీవంగా ఎంపిక చేస్తున్నట్టు ప్రకటించారు. అలాగే ఆయనికి ఈ అవార్డు ఇవ్వడంతో దేశం మొత్తం, ఇంటర్నేషనల్ కమ్యూనిటీ కూడా ఆనందంగా ఫీల్ అవుతారు అని, అమితాబ్‌కి హృదయపూర్వక అభినందనలు అని ట్వీట్ చేసారు. ఇది ముమ్మాటికి స‌హేతుకం. స‌రైన‌దే. ప్ర‌స్తుత త‌రుణంలో భార‌తావ‌నిలో ఈ స్ధాయి ఉన్న న‌టుడు ఉన్నాడ‌ని భావించ‌లేం.

భారతీయ చలనచిత్ర పరిశ్రమ ఎదుగుదలకు కృషి చేసి, విశేష సేవలందించినవాళ్ళకు ఈ అవార్డుని అందజేస్తారు. ఈ అవార్డు కింద ఒక స్వర్ణ కమలం పతకంతో సత్కరించి పదిలక్షలరూపాయలు నగదు బహుమతి అందజేస్తారు. మొదటి సంవత్సరం దేవికారాణితో మొదలుపెట్టి ఇప్పటివరకు మొత్తం 66 మందికి ఈ అవార్డు అందించారు. తెలుగు నుండి బి.ఎన్.రెడ్డి, ఎల్.వి ప్రసాద్, బి.నాగిరెడ్డి, పైడి జైరాజ్, అక్కినేని నాగేశ్వరరావు, రామానాయుడు, కళాతపస్వి విశ్వనాథ్ ,బాలచందర్ లను ఈ అత్యున్నత పురస్కారం వరించింది.  సినిమా రంగానికి ఆయన అందించిన, అందిస్తున్న విశేషసేవలను కొనియాడుతు,.ఆయన నటించిన ఎవర్ గ్రీన్ పాత్రలకు సంబందించి అల‌నాటి ఫొటోస్ ని షేర్ చేస్తున్నారు.కేవలం హిందీ ప్రేక్షకులు మాత్రమే కాదు ప్రపంచవ్యాప్తంగా ఉన్న అమితాబ్ అభిమానులనుండి ప్రశంసలు వెల్లువెత్తుతున్నాయి.