ట్రెండింగ్
తహసీల్దార్ సిబ్బందిపై మరో పెట్రో దాడి.. !
Telangana Telugu | Suryaa Desk | Published : Tue, Nov 19, 2019, 07:14 PM
తహసీల్దార్ విజయ రెడ్డి పై పెట్రోల్ దాడి మరువక ముందే మరో ఘటన జరిగింది. కరీంనగర్ జిల్లా చిగురుమామిడి గ్రామ తహసీల్దార్ పై ఓ రైతు పెట్రోల్ పోసి దాడికి పాల్పడ్డాడు. ఎంతో కాలంగా ఆఫీసు చుట్టూ తిరుగుతున్నా తన భూమి పట్టాలు ఇవ్వడం లేదంటూ ఆగ్రహించిన కనకయ్య కార్యాలయ సిబ్బందితోపాటు, అటెండర్‌పై కూడా పెట్రోలు చల్లాడు. ఈ ప్రమాదం లో ఎవ్వరికి గాయాలు అవ్వలేదు. అన్నదమ్ముల మధ్య భూ వివాదం కారణంగానే పట్టాలు జారీ చేయలేదని సిబ్బంది చెబుతున్నారు. ఈ విషయాన్ని జాయింట్‌ కలెక్టర్‌ జిల్లా కలెక్టర్‌ సర్పరాజ్‌ అహ్మద్‌ దృష్టికి తీసుకెళ్లగా, పెట్రోలు చల్లిన రైతుపై పోలీసులకి ఫిర్యాదు చేసి, క్రిమినల్‌ కేసు నమోదు చెయ్యాలని కలెక్టర్‌ ఆదేశించారు. దాంతో సమాచారం అందుకున్న పోలీసులు కనకయ్యను అదుపులోకి తీసుకున్నారు.
|
|
