ట్రెండింగ్
గంజాయి మత్తులో జోగుతున్న విద్యార్థులు!
Telangana Telugu | Suryaa Desk | Published : Tue, Nov 19, 2019, 10:07 PM
వరంగల్ నిట్‌ క్యాంపస్‌లో విద్యార్థులు గంజాయి మత్తులో జోగుతున్నారు. గత ఆదివారం రాత్రి ఒంటిగంటకు హాస్టల్ వద్ద వివిధ కోర్సులకు చెందిన 12 మంది విద్యార్థులు గుంపుగా ఒక్కచోట చేరి గంజాయి పీలుస్తూ పట్టుపడ్డారు. క్యాంపస్‌లో సాధారణ తనిఖీలు చేసే సెక్యూరిటీ సిబ్బంది ఈ విషయాన్ని గమనించారు. దీంతో విద్యార్థులవద్ద ఉన్న గంజాయిని స్వాధీనం చేసుకున్నారు. ఈ విషయాన్ని ఉన్నతాధికారుల దృష్టికి తీసుకువెళ్లడంతో..వారు విద్యార్థుల తల్లిదండ్రులను పిలిపించి కౌన్సెలింగ్ ఇచ్చినట్లు సమాచారం. ఈ ఘటనపై ప్రత్యేక కమిటీ వేశారు. గంజాయి ఎక్కడి నుంచి వచ్చిందనే విషయం పై ఆరా తీస్తున్నట్టు తెలుస్తోంది.
|
|
