వాట్సాప్ గురించి ఆ ప్రచారం నమ్మొద్దు!

వాట్సాప్‌లో మెసేజ్‌లు రాత్రి 11:30 గంటల నుంచి ఉదయం 6:00 గంటల వరకు ప్రతి రోజు నిలిపివేయాలని నరేంద్ర మోదీ ప్రభుత్వం ప్రకటించింది. వాట్సాప్ ఎక్కువగా ఉపయోగిస్తున్నవారు ఈ మెసేజ్‌ని వాట్సాప్లో ఇతరులకు పంపమని చెబుతున్నారు. మీరు ఈ మెసేజ్‌ని పంపని యెడల మీ వాట్సాప్ అకౌంట్ చెల్లదు. మరియు 48 గంటల్లో వాట్సాప్ అకౌంట్ తొలగించబడుతుంది. ఈ మెసేజ్ ఫేక్ అని అనుకోకండి. ఎందుకంటే మీ వాట్సాప్ అకౌంట్ తిరిగి మీరు మళ్ళీ వాడాలి అంటే ఈ మెసేజ్‌ని మినిమమ్ 10 మందికి forward చేయండి. ఫార్వర్డ్ చేయలేదంటే నెలకు 499 రూపాయలు బిల్ పే చేసి వాట్సాప్ వాడాల్సి వస్తుంది. కనుక మీ వాట్సాప్ అకౌంట్లో ఉన్న 50 మందిలో ఒక 10 మందికి అయిన షేర్ చెయ్యండి. ఇలా చేస్తే శనివారానికి మీ వాట్సాప్ బిల్లు పడదు. మేము కూడా ఫొటోస్ చూపించని సమస్యను ఎదుర్కొంటున్నాము. కాబట్టి కనీసం పది మందికి ఈ మెసేజ్‌ను ఫార్వర్డ్ చేయండి’’ అనే మెసేజ్ సోషల్ మీడియాలో విపరీతంగా సర్క్యులేట్ అవుతోంది.
చదువుకున్న వాళ్లు సైతం ఇది నిజమేనని నమ్ముుతున్నారు. కానీ ఇది పూర్తిగా ఫేక్ మెసేజ్ . ఈ మెసేజ్‌ని పదిమందికి షేర్ చేయాలని లేదంటే 499 రూపాయల బిల్ కట్టాల్సి వస్తుందంటూ తప్పుడు ప్రచారం చేస్తున్నారు. వాస్తవానికి వాట్సాప్ ఎలాంటి బిల్ వసూలు చేయదు. ఒకవేళ అలాంటిదేమైనా ఉంటే వాట్సాప్ అధికారికంగా ప్రకటిస్తుంది. కేంద్ర ప్రభుత్వం రాత్రి 11.30 గంటల తర్వాత వాట్సాప్ నిలిపివేయాలని ఆర్డర్ ఇచ్చిదంటూ జరుగుతున్న ప్రచారం కూడా అబద్ధమే. అసలు వాట్సాప్‌పై కేంద్రం ఎలాంటి నిర్ణయం తీసుకోలేద. వాట్సాప్‌లో ఫొటోలు కనిపించడం లేదంటున్నారు. ఈ సమస్య వాట్సాప్‌తోపాటు ఆ సంస్థకు చెందిన ఫేస్‌బుక్, ఇన్‌స్టాగ్రామ్ యాప్‌ల్లోనూ తలెత్తింది. ఈ ప్రాబ్లంను సంస్థ కొద్ది గంటల వ్యవధిలోనే పరిష్కరించింది. సర్వర్లలో సమస్య వల్ల వాట్సాప్ , ఫేస్‌బుక్, ఇన్‌స్టాగ్రామ్‌లలో ఈ సమసస్య వచ్చింది. ఇది తెలియని చాలా మంది.. ఈ మెసేజ్ నిజమని నమ్ముతున్నారు. తోటి వాళ్లకు సాయం చేద్దామనే ఉద్దేశంతో మిగతా వారికి ఫార్వార్డ్ చేస్తున్నారు. డబ్బులు కట్టకపోతే వాట్సాప్ ఆగిపోతుందేమోనని కొందరు టెన్షన్ పడుతున్నారు. ఈ ఫేక్ వార్తలను దయచేసి నమ్మకండి.