వాహనదారుడిపై ట్రాఫిక్ పోలీసుల ప్రతాపం..వాచ్ వీడియో
Telangana Telugu | Suryaa Desk | Published : Thu, Mar 01, 2018, 02:10 PM
ఢిల్లీలో ట్రాఫిక్ పోలీసులు రెచ్చిపోయారు. చిన్న తప్పుకే ఓ వాహనదారుడ్ని చితకబాదారు. కిందపడేసి ఈడ్చుకుంటూ తీసుకెళ్లారు. అతడు ఓ మనిషే అన్న విషయాన్ని మర్చిపోయి ప్రవర్తించారు. ఢిల్లీ బ్లూ లైన్ మెట్రో స్టేషన్ సమీపంలో జరిగిన ఈ ఘటనపై జనాలు మండిపడుతున్నారు. మెట్రో స్టేషన్ సమీపంలో ఓ వ్యక్తి బైక్పై వెళుతూ ఏదో చిన్న తప్పు చేశాడు. వెంటనే అతడ్ని వెంబడించిన పోలీసులు... కొద్ది దూరం వెళ్లగానే పట్టుకున్నారు. బైక్పై నుంచి కిందకు తోసేశారు. అతడిపై పిడి గుద్దులు కురిపించారు. అలాగే రోడ్డుపై లాక్కుంటూ తీసుకెళ్లారు.
ఈ సీన్ మొత్తాన్ని రోడ్పై వెళ్లేవారు మొబైల్లో రికార్డ్ చేసి... వీడియోను సోషల్ మీడియాలో పోస్ట్ చేశారు. ఈ ఘటనపై సర్వత్రా విమర్శలు వినిపిస్తున్నాయి. ఎంత తప్పు చేసినా ఇంత దారుణంగా ప్రవర్తించాలా అంటూ నెటిజన్లు, జనాలు మండిపడుతున్నారు. బాధ్యతగా ఉండాల్సిన పోలీసులే... ఇంత దారుణంగా ప్రవర్తించడం ఏంటని ప్రశ్నిస్తున్నారు. అయితే హెల్మెట్ విషయంలో ఘటన జరిగినట్లు తెలుస్తోంది. మరోవైపు ఈ ఘటనను పోలీసులు సీరియస్గా తీసుకున్నారు. వాహనదారుడిపై దాడి చేసిన ఇద్దరిపై చర్యలకు సిద్ధమవుతున్నారు.
Received via whatsapp @dtptraffic @DelhiPolice Can you please check the reality of this video and and take the necessary action against the cops involved in this.
cc: @CPDelhi @LtGovDelhi pic.twitter.com/0aIVMX2tmJ
— ठाकुर हरबंश सिंह भदौरिया (@HarbanshB) February 28, 2018
|
|
