ట్రెండింగ్
ఏప్రిల్ 1 నుంచి దేశ వ్యాప్తంగా ఐడియాలో రోమింగ్ ఫ్రీ
Telangana Telugu | Suryaa Desk | Published : Mon, Mar 13, 2017, 05:28 PM
ఐడియా మొబైల్ నెట్‌వర్క్‌ను వాడుతున్న యూజర్లకు ఏప్రిల్ 1 నుంచి దేశ వ్యాప్తంగా ఇన్‌కమింగ్ కాల్స్ కు గాను ఉచిత రోమింగ్‌ను అందిస్తున్నట్టు ఆ సంస్థ ప్రకటించింది. ఐడియా సెల్యులర్ నెట్‌వర్క్‌ను వాడుతున్న వినియోగదారులందరూ ఈ సౌకర్యాన్ని పొందవచ్చని ఆ సంస్థ ప్రతినిధులు తెలిపారు. దీంతోపాటు పలు ఇంటర్నేషనల్ రోమింగ్ ప్యాక్‌లను కూడా ఐడియా ఈ సందర్భంగా ప్రకటించింది. తరచూ విదేశాలకు ట్రిప్‌లు వేసే వారు 10 రోజులు లేదా, 30 రోజుల కాల పరిమితితో ఇంటర్నేషనల్ రోమింగ్ ప్యాక్‌లను పొందవచ్చని తెలిపింది. ఈ ప్యాక్‌లలో డేటా, కాల్స్‌కు ప్రత్యేకంగా ప్లాన్లు ఉన్నట్టు ఐడియా తెలియజేసింది. అయితే దేశ వ్యాప్తంగా ఇన్‌కమింగ్ కాల్స్‌కు రోమింగ్ ఉచితం అని ప్రకటించినప్పటికీ ఔట్ గోయింగ్ కాల్స్ చేస్తే మాత్రం రోమింగ్ చార్జీలు పడతాయి.
|
|
