రిజర్వేషన్లు సాధించే వరకు మా పోరాటం ఆగదు : ఎంపీ కవిత
Telangana Telugu | Suryaa Desk | Published : Tue, Mar 06, 2018, 12:55 PM
న్యూఢిల్లీ : పార్లమెంట్ ఆవరణలో గాంధీ విగ్రహం వద్ద టీఆర్‌ఎస్ ఎంపీలు ధర్నా చేపట్టారు. రిజర్వేషన్ల అమలు రాష్ర్టాలకే అప్పగించాలంటూ నినదిస్తూ ప్లకార్డులు ప్రదర్శించారు. రిజర్వేషన్ల పెంపు అంశంపై కేంద్రం వైఖరిని టీఆర్‌ఎస్ ఎంపీలు తప్పుబట్టారు. రిజర్వేషన్లు తప్పకుండా సాధించుకోవాలని ఎంపీ కవిత అన్నారు. రిజర్వేషన్లు సాధించే వరకు తమ పోరాటం ఆగదని తేల్చిచెప్పారు. తమ పోరాటంతో తప్పకుండా ఫలితం ఉంటుందని ఆమె స్పష్టం చేశారు. రిజర్వేషన్ల పెంపుపై తెలంగాణ శాసనసభ తీర్మానం చేసి కేంద్రానికి పంపి పది నెలలైనా కేంద్రం నిర్ణయం తీసుకోలేదని ఎంపీ వినోద్ తెలిపారు. తమిళనాడు, మహారాష్ట్రలో రిజర్వేషన్లు 50 శాతం కంటే ఎక్కువ ఉన్నాయని గుర్తు చేశారు. రిజర్వేషన్ల అమలు అన్ని రాష్ర్టాల్లో ఒకే తీరుగా ఉండాలని, రిజర్వేషన్ల పెంపు విషయంలో రాజ్యాంగ సవరణ చేయాలని సీఎం కేసీఆర్.. ప్రధాని మోదీని ఎన్నోసార్లు కోరారని వినోద్ తెలిపారు. ఈ బడ్జెట్ సమావేశాల్లోనే రిజర్వేషన్లకు సంబంధించి రాజ్యాంగ సవరణ చేయాలని ఆయన డిమాండ్ చేశారు. కేంద్రం దిగొచ్చే వరకు తమ ఆందోళన కొనసాగిస్తామని ఎంపీ వినోద్ స్పష్టం చేశారు.
|
|
