అరాచకత్వాన్ని సహించే ప్రశక్తే లేదు : కేసీఆర్
Telangana Telugu | Suryaa Desk | Published : Tue, Mar 13, 2018, 10:29 AM
హైదరాబాద్ : స్పీకర్ నిర్ణయాన్ని స్వాగతిస్తున్నామని ముఖ్యమంత్రి కల్వకుంట్ల చంద్రశేఖరరావు అన్నారు. కాంగ్రెస్ ఎమ్మేల్యేలు కోమటిరెడ్డి వెంకటరెడ్డి, సంపత్ ల సభ్యత్వాలను రద్దు చేస్తూ స్పీకర్ నిర్ణయాన్ని స్వాగతిస్తున్నట్లు చెప్పిన ముఖ్యమంత్రి సభలో అరాచకత్వాన్ని ఎట్టి పరిస్థితుల్లోనూ సహించమన్నారు. నిన్నటి సంఘటన అనంతరం కూడా కాంగ్రెస్ సభ్యుల తీరు ఆక్షేపణీయంగా ఉందన్నారు. కౌన్సిల్ చైర్మన్ పై కాదు…మైక్ ను విసిరింది గవర్నర్ పైకి అని చెప్పారని…నేను కూడా టీవీల్లో చూశానని కేసీఆర్ అన్నారు. అంతే కాకుండా మండలి చైర్మన్ గాయపడ్డననడం డ్రామా అని వ్యాఖ్యలు చేయడం దారుణం అని కేసీఆర్ అన్నారు. కాంగ్రెస్ నేతలకు ఇంత అసహన వైఖరి సరికాదని అన్నారు. కాంగ్రెస్ సభ్యుల సస్పెన్షన్‌ నిర్ణయం కఠినమే కానీ తప్పదన్నారు. కాంగ్రెస్ నేతలు సభ లోపల, బటయ ప్రవర్తిస్తున్న తీరు సిగ్గుచేటన్నారు.
|
|
