మహిళ పేరిట ఫేస్‌బుక్ పేజీ తెరచి..
Telangana Telugu | Suryaa Desk | Published : Tue, Mar 13, 2018, 10:31 AM
ఓ వ్యక్తి తాను మహిళనంటూ మరో వితంతు మహిళతో ఫేస్‌బుక్ ద్వార పరిచయం పెంచుకొని...తన సోదరుడితో పెళ్లి జరిపిస్తానంటూ మాయమాటలు చెప్పి డబ్బు, బంగారు ఆభరణాలు తీసుకున్న బాగోతం ముంబై నగరంలో వెలుగుచూసింది. ముంబై నగరానికి చెందిన భికన్ నాందేవ్ పాలాందే అనే 37 వ్యక్తికి వివాహమై భార్య, ఇద్దరు పిల్లలున్నారు. భికన్ నాందేవ్ తాను మహిళనంటూ నకిలీ ఫేస్‌బుక్ పేజీ సృష్టించి బోరివలికి చెందిన ఓ వితంతువుతో ఛాటింగ్ చేశాడు. తన సోదరుడితో పెళ్లి జరిపిస్తానని చెప్పి సోదరుడికి అతని భార్య నుంచి డైవర్స్ ఇప్పించేందుకు డబ్బులు ఇవ్వాలని చెప్పి మహిళ నుంచి డబ్బులు తీసుకున్నాడు. ఇలా 15 మంది మహిళలను మోసగించినట్లు పోలీసుల దర్యాప్తులో తేలింది. మహిళతో ఛాటింగ్ చేయించి నిందితుడైన భికన్ నాందేవ్ ను రప్పించి పోలీసులు అరెస్టు చేశారు. తానూ మహిళనంటూ భికన్ నాందేవ్ ఫేస్‌బుక్ పేజీ తెరవడంతో మహిళలు సులభంగా తన ఫ్రెండ్ రిక్వెస్ట్ ను అంగీకరించారని నిందితుడు నాందేవ్ పోలీసుల ఇంటరాగేషన్ లో చెప్పాడు.
|
|
