పౌరసేవల్లో హైదరాబాద్‌కు ఎనిమిదో స్థానం
Telangana Telugu | Suryaa Desk | Published : Thu, Mar 15, 2018, 09:42 AM
హైదరాబాద్ : నగరాల్లో ఉత్తమ పాలన, పౌర సేవలకు సంబంధించి జనాగ్రహ సంస్థ దేశవ్యాప్తంగా నిర్వహించిన సర్వేలో హైదరాబాద్ ఎనిమిదో స్థానంలో నిలిచింది. బెంగళూరు కేంద్రంగా పనిచేసే జనాగ్రహ సెంటర్ ఫర్ సిటిజన్‌షిప్ అండ్ డెమోక్రసీ తన వార్షిక సర్వే నివేదికను ఇండియన్ సిటీ సిస్టమ్స్ పేరుతో బుధవారం విడుదల చేసింది. సంస్థ 2017లో 20 రాష్ర్టాల్లోని 23 ప్రధాన నగరాల్లో అమలైన ప్రజాపాలన, ప్రభుత్వ సేవల గురించి సర్వే చేపట్టింది. ప్రజాపాలన, పౌర సేవలకు సంబంధించి 89 ప్రశ్నలతో సర్వే నిర్వహించామని వెల్లడించింది. 23 భారతీయ నగరాల్లో మహారాష్ట్రలోని పుణె అగ్రస్థానంలో నిలువగా కోల్‌కతా, తిరువనంతపురం, భువనేశ్వర్, సూరత్ తర్వా తి స్థానాల్లో నిలిచాయి. హైదరాబాద్ స్థాయిలో ఎనిమిదో స్థానంలో నిలిచింది. గరిష్ఠంగా పది పాయింట్లతో చేపట్టిన నగరాలు 3.0 నుంచి 5.1 పాయింట్ల మధ్య సాధించాయి. హైదరాబాద్‌కు 4.3 పాయింట్లు దక్కాయి. 2016లో నిర్వహించిన జనాగ్రహ సర్వేలో హైదరాబాద్‌కు లభించిన పాయింట్ల కంటే ఈ ఏడాది 0.4 పాయింట్లు అదనంగా వచ్చాయి. హైదరాబాద్ నగరంలో పాలన, సేవలు మెరుగైన విషయాన్ని ఈ సర్వే ధ్రువీకరించింది.
|
|
