డైరెక్టర్ ఎన్ శంకర్‌ను అభినందించిన జగదీశ్ రెడ్డి
Telangana Telugu | Suryaa Desk | Published : Thu, Mar 15, 2018, 03:20 PM
హైదరాబాద్: తెలుగు చలనచిత్ర దర్శకుల సంఘం అధ్యక్షులుగా ఎన్నికయిన డైరెక్టర్ ఎన్ శంకర్‌కు రాష్ట్ర మంత్రి జగదీశ్ రెడ్డి అభినందనలు తెలియజేశారు. దర్శకుల సంఘం అధ్యక్షులుగా ఎన్నికయిన శంకర్‌తో పాటు ప్రధాన కార్యదర్శి రాంప్రసాద్, కోశాధికారి కాశీ విశ్వనాథ్, ఉపాధ్యక్షులు రవికుమార్ చౌదరి, సహాయ కార్యదర్శి కట్టా రంగారావు, సహ దర్శకులు సంతోష్ కుమార్, చంద్ర మహేశ్ తదితరులు ఇవాళ మంత్రి జగదీశ్ రెడ్డిని క్యాంప్ కార్యాలయంలో కలిశారు. ఈ సందర్భంగా వారిని అభినందించిన మంత్రి జగదీశ్ రెడ్డి మాట్లాడుతూ... జయం మనదేరా వంటి సామాజిక స్ఫూర్తిని కలిగించిన సినిమాలకు దర్శకత్వం వహించిన తెలంగాణలోని నల్గొండ ప్రాంతానికి చెందిన శంకర్ తెలుగు సినీ దర్శకుల సంఘం అధ్యక్షులుగా ఎన్నికవ్వడం అభినందనీయమన్నారు. శంకర్ ఇంకా మరిన్ని సామాజిక సినిమాలకు దర్శకత్వం వహిస్తూ సమాజానికి స్ఫూర్తిని కలిగించాలని మంత్రి జగదీశ్ రెడ్డి ఆకాంక్షించారు.
|
|
