ట్రెండింగ్
ఆమ్ ఆద్మీకి భగవత్ రాజీనామా
Telangana Telugu | Suryaa Desk | Published : Fri, Mar 16, 2018, 01:29 PM
పంజాబ్‌లో ఆమ్ ఆద్మీ పార్టీకి గట్టి ఎదురుదెబ్బ తగిలింది. ఆ రాష్ట్ర ఆప్ అధ్యక్షుడు భగవత్ మాన్ తన పదవికి రాజీనామా చేశారు. పంజాబ్ మాజీ మంత్రి బిక్రమ్ సింగ్ మజిథియాకు అరవింద్ కేజ్రీవాల్ క్షమాపణలు చెప్పడంతో భగవత్ తీవ్ర అసంతృప్తికి గురయ్యారు. 2017లో పంజాబ్ ఎన్నికల సందర్భంగా బిక్రమ్ సింగ్‌కు మాదకద్రవ్యాల వ్యాపారంలో భాగస్వామ్యం ఉందని కేజ్రీవాల్ ఆరోపించారు. అయితే ఈ ఆరోపణలకు సరైన ఆధారాలు లేకపోవడంతో కేజ్రీవాల్.. బిక్రమ్ సింగ్‌కు క్షమాపణలు చెబుతూ లేఖ రాశారు. బిక్రమ్ సింగ్‌కు కేజ్రీవాల్ క్షమాపణలు చెప్పడం భగవత్‌కు మింగుడు పడటం లేదు. దీంతో ఆప్ అధ్యక్ష పదవికి రాజీనామా చేసినట్లు భగవత్ ట్వీట్ చేశారు. ఆప్‌కు మాత్రమే రాజీనామా చేశాను. కానీ డ్రగ్స్ మాఫియాతో పాటు అవినీతిపై నిరంతరం పోరాడుతానని భగవత్ స్పష్టం చేశారు.
|
|
