ట్రెండింగ్
కేసీఆర్‌ కిట్‌ పథకంతో ప్రభుత్వాస్పత్రుల్లో ప్రసవాల సంఖ్య పెరిగింది: లక్ష్మారెడ్డి
Telangana Telugu | Suryaa Desk | Published : Mon, Mar 19, 2018, 11:03 AM
హైదరాబాద్‌: కేసీఆర్‌ కిట్‌ పథకం ప్రారంభించిన తర్వాత ప్రభుత్వాసుపత్రుల్లో ప్రసవాల సంఖ్య గణనీయంగా పెరిగిందని వైద్య ఆరోగ్యశాఖ మంత్రి లక్ష్మారెడ్డి అన్నారు. శాసనసభలో జరుగుతున్న ప్రశ్నోత్తరాల సమయంలో మంత్రి మాట్లాడారు. ప్రభుత్వాస్పత్రుల్లో సౌకర్యాలను మెరుగుపరిచామన్నారు. ప్రాథమిక ఆరోగ్య కేంద్రాలను ఆధునీకరిస్తున్నామని పేర్కొన్నారు. ప్రభుత్వ ఆస్పత్రుల్లో సిబ్బంది నియామక ప్రక్రియ కొనసాగుతోందన్నారు. ఆస్పత్రుల్లో పడకల పెంపు, భవనాల నిర్మాణంపై వినతులు వస్తున్నాయని, ఇందుకోసం 12 ఎంసీహెచ్‌ కేంద్రాలు మంజూరు చేశామని అన్నారు. శాసనసభలో జరుగుతున్న ప్రశ్నోత్తరాల సమయంలో మంత్రి మాట్లాడారు. మరో 15 కొత్త ఎంసీహెచ్‌ కేంద్రాలకు ప్రతిపాదనలు సిద్దం చేశామన్నారు.
|
|
