ట్రెండింగ్
రైతుల సంక్షేమమే లక్ష్యం : ఎమ్మెల్యే వీరేశం
Telangana Telugu | Suryaa Desk | Published : Mon, Mar 19, 2018, 01:50 PM
హైదరాబాద్ : తెలంగాణ రైతుల సంక్షేమమే ప్రభుత్వ లక్ష్యమని టీఆర్‌ఎస్ ఎమ్మెల్యే వేముల వీరేశం స్పష్టం చేశారు. శాసనసభలో బడ్జెట్‌పై సాధారణ చర్చ సందర్భంగా ఎమ్మెల్యే వీరేశం మాట్లాడారు. ఈ బడ్జెట్‌లో వ్యవసాయ రంగానికి అత్యధికంగా నిధులు కేటాయించారని తెలిపారు. మూడు సంవత్సరాల పది నెలల కాలంలోనే ముఖ్యమంత్రి కేసీఆర్ ఎంతో ప్రగతిని సాధించారని చెప్పారు. మానవజాతి వికాసానికి నాంది అయిన వ్యవసాయ రంగానికి ప్రభుత్వం పెద్దపీట వేస్తుందన్నారు. పంట పెట్టుబడి పథకం కోసం రూ. 12 వేల కోట్లు, రైతు బీమా పథకానికి రూ. 500 కోట్లు, బిందు, తుంపర సేద్యానికి రూ. 127 కోట్లు, వ్యవసాయ యాంత్రీకరణకు రూ. 522 కోట్లు కేటాయించడం గర్వించదగ్గ విషయమన్నారు. రైతులను రాజు చేయడమే సీఎం కేసీఆర్ లక్ష్యమని వేముల వీరేశం ఉద్ఘాటించారు.
|
|
