రాజ్యసభ ఎన్నికల పోలింగ్ ప్రారంభం
Telangana Telugu | Suryaa Desk | Published : Fri, Mar 23, 2018, 10:00 AM
హైదరాబాద్: రాష్ట్రంలో ఖాళీ అయిన మూడు రాజ్యసభ స్థానాల ఎన్నికల పోలింగ్ ప్రారంభమైంది. పోలింగ్కు సంబంధించి అసెంబ్లీ ప్రాంగణంలోని కమిటీ హాల్లో ఎన్నికల సంఘం అన్ని ఏర్పాట్లు పూర్తి చేసింది. అసెంబ్లీ ఆవరణలో ఉదయం 9 గంటల నుంచి సాయంత్రం 4 గంటల వరకు పోలింగ్ జరగనుంది. టీఆర్ఎస్ నుంచి ముగ్గురు, కాంగ్రెస్ నుంచి ఒకరు ఎన్నికల బరిలో ఉన్న విషయం తెలిసిందే. మొత్తం 108 మంది శాసన సభ్యులు తమ ఓటు హక్కును వినియోగించుకోనున్నారు. టీఆర్ఎస్ నుంచి 97, కాంగ్రెస్ నుంచి 11 మంది ఎమ్మెల్యేలు. కాగా ఓటింగ్కు దూరంగా ఉండాలని బీజేపీ, టీడీపీ, సీపీఎంలు నిర్ణయించుకున్నాయి. ఎన్నికల బ్యాలెట్ వరుస క్రమంలో టీఆర్ఎస్ అభ్యర్థులు బండా ప్రకాశ్, లింగయ్య యాదవ్ ఉండగా మూడో అభ్యర్థిగా కాంగ్రెస్ నేత బలరాం నాయక్.. నాలుగో అభ్యర్థిగా టీఆర్ఎస్ అభ్యర్థి సంతోష్ కుమార్ ఉన్నారు. పోలింగ్లో నోటాకు కూడా బ్యాలెట్లో అవకాశం కల్పించారు. శాసన సభ్యులు బ్యాలెట్ పత్రంపై ప్రాధాన్యతా క్రమాన్ని మాత్రమే నమోదు చేయాలి. అది కూడా ఎన్నికల అధికారి సమకూర్చిన పెన్నుతో మాత్రమే. ఏ ఇతర పెన్నులు వాడినా చెల్లని ఓటుగా పరిగణిస్తారు. మొదటి, ద్వితీయ, తృతీయ ప్రాధాన్యలో కాక గుర్తులు వేసినా ఓట్లు చెల్లుబాటు కావు. విప్ ప్రకారం ఓటర్లు ఎవరికి ఓటు వేశారో తమ పార్టీ ప్రతినిధికి చూపించాల్సి ఉంటుంది.
|
|
