పట్టణ మున్సిపాలిటీలను పెంచుతాం : కేటీఆర్
Telangana Telugu | Suryaa Desk | Published : Sat, Mar 24, 2018, 12:33 PM
హైదరాబాద్ : పెరుగుతున్న పట్టణ జనాభాకు అనుగుణంగా అర్బన్ లోకల్ బాడీస్ను పెంచాల్సిన అవసరం ఉందని పురపాలక శాఖ మంత్రి కేటీఆర్ తెలిపారు. శాసనసభలో మున్సిపాలిటీల అంశంపై సభ్యులు అడిగిన ప్రశ్నలకు మంత్రి సమాధానం ఇచ్చారు. పట్టణీకరణ దేశవ్యాప్తంగా జరుగుతంది. దేశ వ్యాప్తంగా పట్టణ జనాభా 30 శాతం ఉంటే.. మన దగ్గర 42 శాతం ఉందన్నారు. పెరుగుతున్న పట్టణ జనాభాకు అనుగుణంగా అర్బన్ లోకల్ బాడీస్ను పెంచాల్సిన అవసరం ఉంది. ఈ విషయంలో సంప్రదింపులు తుది దశలో ఉన్నాయన్నారు. చట్టాన్ని కూడా తయారు చేసి.. న్యాయపరమైన చిక్కులు లేకుండా సవరణలు చేసి.. శాసనసభ ముందుకు తీసుకువచ్చి సభ్యుల అభిప్రాయాలను కూడా తీసుకుంటామన్నారు. పట్టణ ప్రాంతాల్లో సౌకర్యాలు మెరుగుపరిచినప్పుడు పన్నులు కూడా ఎక్కువగానే ఉంటాయన్నారు. పట్టణాల్లో మెరుగైన సౌకర్యాలు, అండర్ గ్రౌండ్ డ్రైనేజీ వ్యవస్థతో పాటు అన్ని మౌలిక సదుపాయాలు, వసతులు కల్పిస్తామన్నారు. జనాభా పెరుగుదలను దృష్టిలో పెట్టుకొని మున్సిపాలిటీల చుట్టుపక్కన ఉన్న గ్రామాలను విలీనం చేస్తున్నామని మంత్రి తెలిపారు.
|
|
