గూగుల్కి షాకిచ్చిన భారత ప్రభుత్వం
Telangana Telugu | | Published : Wed, Mar 28, 2018, 09:58 AM
గూగుల్కి భారత ప్రభుత్వం ఊహించని షాకిచ్చింది. ఈ సెర్చింజన్ ప్రతిపాదించిన ‘స్ట్రీట్ వ్యూ’ సర్వీస్.. దేశ భద్రతని ప్రశ్నించే విధంగా ఉండటంతో ఆ సర్వీస్ అనుమతిని తిరస్కరిస్తున్నట్లు ప్రభుత్వం వెల్లడించింది. దేశంలోని బహిరంగ ప్రదేశాలను 360 డిగ్రీల కోణంలో స్టీట్ వ్యూ ద్వారా చూపిస్తే.. రక్షణ శాఖ అధికారులకి ప్రమాదం ఉంటుందని కేంద్ర హోంశాఖ సహాయ మంత్రి హన్సరాజ్ గంగారం అభిప్రాయపడ్డారు.
ఇండియాలో.. స్ట్రీట్ వ్యూ సర్వీస్ని 2011లో బెంగళూరులో ప్రారంభించారు. అయితే.. దీనిపై స్థానిక అధికారులు అభ్యంతరాలు వ్యక్తం చేశారు. దీంతో.. వెంటనే ఆ సర్వీస్ని గూగుల్ నిలిపివేసింది. కానీ.. 2015లో చారిత్రక కట్టడాలను 360 డిగ్రీల కోణంలో చూయించేందుకు ఆర్కియాలజీ సర్వే ఆఫ్ ఇండియాతో గూగుల్ ఒప్పందం కుదుర్చుకుంది. ఈ స్ట్రీట్ వ్యూ సర్వీస్ వల్ల.. పర్యాటకులకి మధురునుభూతి కలుగుతోందని ఆర్కియాలజీ డిపార్ట్మెంట్ చెప్పుకొస్తుంది. ప్రస్తుతం సుమారు 82 దేశాల్లో ఈ స్ట్రీట్ వ్యూ సర్వీస్ అందుబాటులో ఉండగా.. భారత ప్రభుత్వం మాత్రం భద్రతా కారణాల దృష్ట్యా తిరస్కరించింది.
|
|
