త‌లాక్ బిల్లుకు రాజ్య‌స‌భ‌లో బ్రేక్

ట్రిపుల్ తలాక్ బిల్లుకు బ్రేకులు పడ్డాయి. ఈ బిల్లుపై అధికార, ప్రతిపక్షాల మధ్య ఏకాభిప్రాయం కుదరకపోవటంతో ట్రిపుల్ తలాక్ బిల్లుకు బ్రేకులు పడ్డాయి. దీంతో ఈ సమావేశాలలో ఈ బిల్లును టేకప్ చేయటంలేదని శుక్ర‌వారం రాజ్యసభ చైర్మన్ వెంకయ్యనాయుడు ప్రకటించారు. ఈ బిల్లును కేంద్రం పార్లమెంట్‌ శీతాకాల సమావేశాల్లో ప్రవేశపెట్టి చట్టం చేయాలని కేంద్ర కేబినెట్ ఆమోదించిన నేపథ్యంలో నిన్న రాజ్యసభలో ఈ బిల్లును ప్రవేశపెట్టాలని ప్రభుత్వం తలంచింది. కానీ ఈ బిల్లును సెలక్ట్ కమిటీకి పంపాలని కాంగ్రెస్ పేర్కొంది. దీంతో అధికార, ప్రతిపక్షాల మధ్య ఏకాభిప్రాయం కుదరకపోవటంతో ట్రిపుల్ తలాక్ బిల్లుకు బ్రేకులు పడ్డాయి. దీంతో ఈ సమావేశాలలో ఈ బిల్లును టేకప్ చేయటంలేదని రాజ్యసభ చైర్మన్ వెంకయ్యనాయుడు ప్రకటించారు. 

కాగా ముస్లిం సంప్రదాయం ప్రకారం భర్త మూడు సార్లు తలాక్ అని చెబితే.. భార్యతో విడాకులు జరిగినట్లే. ఈ నేపథ్యంలో సుప్రీంకోర్టు ట్రిపుల్‌ తలాక్‌ రాజ్యాంగ విరుద్ధమని... దీనిపై చట్టం తీసుకురావాలని కేంద్రానికి సూచించింది. ముస్లిం మహిళల రక్షణ కోసం కేంద్ర ప్రభుత్వం ఈ బిల్లును తెస్తోంది. ఈ చట్టం అమలులోకి వస్తే తలాక్‌ చెప్పి విడాకులు ఇచ్చే భర్తకు మూడేళ్ల జైలు శిక్ష విధించే అవకాశముంది. ట్రిపుల్ తలాక్ కేసు కింద ముస్లిం మహిళలు కోర్టును ఆశ్రయించి భర్త నుంచి భరణం తీసుకునే ఛాన్సుంది. కేంద్రమంత్రి రాజ్‌నాథ్‌సింగ్‌ అధ్యక్షతన ఏర్పాటు చేసిన కమిటి ఈ బిల్లును రూపొందించింది. ఈ కమిటీలో కేంద్రమంత్రులు సుష్మాస్వరాజ్, అరుణ్‌జైట్లీ, రవిశంకర్‌ ప్రసాద్, పిపి చౌదరి సభ్యులుగా ఉన్నారు. జమ్ముకశ్మీర్‌ మినహా ఈ చట్టం దేశమంతటా వర్తిస్తుంది. ఈనేపథ్యంలో ఆదిలోనే ట్రిపుల్ తలాక్ బిల్లుకు పెద్దలసభలో అంతరాయం కలిగింది. కాగా వచ్చే పార్లమెంట్ సమావేశాలలో ఈ బిల్లుకు మోక్షం కలగనుందేమో వేచి చూడాలి.