ఉప్పల్‌లో మినీ శిల్పారామం: కేటీఆర్‌
Telangana Telugu | Suryaa Desk | Published : Mon, Jul 10, 2017, 07:29 PM
హైదరాబాద్‌: భాగ్యనగరాన్ని సుందరమైన నగరంగా తీర్చిదిద్దేందుకు ప్రజలు సహకరించాలని తెలంగాణ ఐటీ శాఖ మంత్రి కేటీఆర్‌ అన్నారు. ఉప్పల్‌ బగాయత్‌ రైతులకు అభివృద్ధి పరిచి కేటాయించిన ప్లాట్లను ఆయన మరో మంత్రి మహేందర్‌రెడ్డితో కలిసి పంపిణీ చేశారు. ఉప్పల్‌ ప్లాట్ల రిజిస్ట్రేషన్‌కు అయ్యే వ్యయాన్ని హెచ్‌ఎండీఏ భరిస్తుందన్నారు. ఐటీ, పారిశ్రామిక రంగాల్లో హైదరాబాద్‌ దూసుకెళ్తొందన్న కేటీఆర్‌.. ఉప్పల్‌ నియోజకవర్గంలో పలు అభివృద్ధి పనులు చేపడుతున్నట్టు చెప్పారు. అభివృద్ధి కార్యక్రమాల కోసం ప్రజల నుంచి భూములు సేకరించాల్సి వస్తే.. వారు అసంతృప్తికి లోనుకాకుండా మానవతా దృక్పథంతో వ్యవహరిస్తున్నట్టు చెప్పారు. మూసీ నదిని సుందరీకరించి సబర్మతికి దీటుగా తీర్చిదిద్దుతామన్నారు. ఉప్పల్‌లో మినీ శిల్పారామాన్ని, కన్వెన్షన్‌ సెంటర్‌ను నిర్మించనున్నట్టు చెప్పారు. మూడేళ్ల నుంచి రంగారెడ్డి జిల్లా అభివృద్ధిలో దూసుకుపోతోందని మంత్రి మహేందర్‌రెడ్డి అన్నారు.
|
|
