వైద్య ఆరోగ్య శాఖ ఆధ్వర్యంలో ప్రపంచ జనాభా దినోత్సవం
Telangana Telugu | Suryaa Desk | Published : Tue, Jul 11, 2017, 03:59 PM
కరీంనగర్ జిల్లా వైద్య ఆరోగ్య శాఖ ఆధ్వర్యంలో స్థానిక కళాభారతిలో నిర్వహించిన ప్రపంచ జనాభా దినోత్సానికి మంత్రి ముఖ్య అతిథిగా ఆర్థిక మంత్రి ఈటల రాజేందర్ హాజరయ్యారు. ఒకప్పుడు పిల్లలను తల్లిదండ్రులు ఆస్తిగా భావించేవారని కానీ ఇప్పుడు ఎక్కువ మంది సంతానముంటే వాళ్లను పోషించడంతో పాటు పెరిగి పెద్దైన తర్వాత వాళ్లకు ఉపాధి కూడా భారంగా మారిందన్నారు. అందుకే మారుతున్న కాలానికి అనుగుణంగా తల్లిదండ్రులు కూడా మారి కుటుంబ నియంత్రణ పాటించాలని సూచించారు. పెరుగుతున్న జనాభా, సాంకేతిక పరిజ్ఞానం కారణంగా ప్రజల ఉపాధి అవకాశాలు తగ్గిపోతున్నాయని అన్నారు. అమెరికా లాంటి దేశాల్లోనూ అక్కడి యువతకు ఉపాధి దొరకడం లేదని, ఇతర దేశాల నుంచి వలసలను నియంత్రిస్తున్నారని మంత్రి గుర్తు చేశారు. ప్రతి ఒక్కరూ జనాభాను నియంత్రించేందుకు విధిగా కుటుంబ నియంత్రణ పద్ధతులు పాటించాలని కోరారు. ఈ సమావేశంలో ఎమ్మెల్సీ నారదాసు లక్ష్మణ్ రావు, జడ్పీ ఛైర్ పర్సన్ తుల ఉమ, జిల్లా వైద్యాధికారి రాజేశంతో పాటు వైద్య సిబ్బంది పాల్గొన్నారు.
|
|
