మునుపెన్నడూ చూడని జట్టును చూస్తారు
Telangana Telugu | Suryaa Desk | Published : Wed, Jul 12, 2017, 06:55 PM
తనకు సవాళ్లు స్వీకరించడమంటే ఇష్టమని, కోచ్‌గా మరో సవాల్‌ స్వీకరిస్తున్నానని టీమిండియా కొత్త కోచ్‌ రవిశాస్త్రి అన్నారు. ఇది వరకటి టెస్టు జట్లతో పోలిస్తే కోహ్లి నేత్తృత్వంలోని జట్టు ఇంకా గొప్పగా అవతరిస్తుందని అన్నారు. 2014-16 మధ్య టీమిండియా డైరెక్టర్‌గా వ్యవహరించిన రవిశాస్త్రిని సచిన్‌, గంగూలీ, వీవీఎస్‌ లక్ష్మణ్‌తో కూడిన సలహా కమిటీ (సీఏసీ) కొత్త కోచ్‌గా ఎంపిక చేసిన సంగతి తెలిసిందే. ఈ నెల 26 నుంచి శ్రీలంక పర్యటన మొదలుకొని 2019 ప్రపంచకప్‌ వరకు ఆయన సేవలందించనున్నారు.
కోచ్‌గా నియమితులైన తర్వాత ఆయన తొలిసారిగా మీడియాతో మాట్లాడారు. కోహ్లి నేతృత్వంలోని టెస్టు జట్టు గత జట్ల కంటే ఎంతో మెరుగ్గా తయారవుతుందని ఆశాభావం వ్యక్తంచేశారు. అన్ని పరిస్థితుల్లోనూ రాణించే యువ పేసర్లు జట్టులో ఉన్నారన్నారు. ఈ సందర్భంగా కోచ్‌గా బాధ్యతలు చేపట్టడం సవాల్‌గా భావిస్తున్నారా? అన్న ప్రశ్నకు ఆయన సమాధానమిచ్చారు. తాను సవాళ్లను స్వీకరించడానికి సిద్ధంగా ఉంటానని, కోచ్‌గా బాధ్యతలు స్వీకరించడం మరో సవాల్‌ అని వ్యాఖ్యానించారు.
|
|
