పెళ్లాడదామంటే.. సహజీవనం చేద్దామంటున్నాడు

ప్రశ్న: హాయ్, నేను చాలా కాలంగా రిలేషన్‌షిప్‌లో ఉన్నాను, తను ఇండియన్ నేవీలో పని చేస్తున్నాడు. అతడు ఇంజనీరు కాగా, నేను జియో ఫిజిస్ట్‌గా చేస్తున్నా. నాకు 22 ఏళ్లు, తను నాకంటే ఏడాది పెద్దవాడు. మేం గత నాలుగేళ్లుగా రిలేషన్‌షిప్‌లో ఉన్నాం. మా గురించి ఇద్దరి కుటుంబాలకు కూడా తెలుసు. సమస్య ఏంటంటే.. నాకు వివాహ బంధంపై నమ్మకం లేదు. కానీ తనేమో నాతో కలిసి జీవితాన్ని ఎప్పుడెప్పుడు ప్రారంభిద్దామా అని ఆతురతగా ఉన్నాడు. నాకు ఈ మధ్యే పెళ్లంటే నమ్మకం కలుగుతోంది. కానీ తనలో మార్పు కనిపిస్తోంది. నా బాధ్యత తీసుకోవడానికి, జీవితాంతం నన్ను బాగా చూసుకోవడానికి తను సిద్ధంగా ఉన్నాడు.
కాకపోతే పెళ్లికి బదులు సహజీవనం చేయడానికి అతడు మొగ్గు చూపుతున్నాడు. మా అమ్మానాన్న గొడవపడటం ఇప్పటికే చాలా సార్లు చూశాను, మన విషయంలో అలా జరగొద్దు అని చెబుతున్నాడు. నేను అతడి ఆలోచనలను గౌరవిస్తాను. కానీ నిజాయతీగా చెప్పాంటే నాకు పెళ్లి చేసుకోవాలనే ఉంది. ఇప్పుడు నేనేం చేయాలి?
జవాబు:
పెళ్లాడాలా లేదంటే సహజీవనం చేయాలా అని మీరు ఆలోచిస్తున్నారు. ఇటీవల సహజీవనం ఎక్కువ అవుతున్నప్పటికీ.. దానిపై సమాజం పరంగా కొన్ని ఆంక్షలున్నాయి. పెళ్లాడకుండా కలిసి బతకాలంటే.. ఇద్దరికీ చాలా ధైర్యం కావాలి. సహజీవనం చేయాలంటే. ఎమోషనల్‌గా, సమాజం పరంగా, న్యాయపరంగా కొన్ని అవరోధాలున్నాయి. నిర్ణయం తీసుకునే ముందు ఇద్దరూ కలిసి మాట్లాడుకోండి. భవిష్యత్తు గురించి మీ అంచనాలను అతడికి వివరించండి. ఏళ్లపాటు బంధాన్ని ఎలా కాపాడుకోగలరో ఆలోచించండి.
మీలోని భయాలను తనతో ఎలాంటి చర్చించండి. విశ్వసనీయత, వివాహం, పిల్లలు తదితర అంశాల గురించి ఆలోచించండి. వివాహ బంధం భవిష్యత్తు గురించి, పిల్లల గురించి ఆలోచిస్తే.. సహజీవనం కేవలం సెక్స్‌కు సంబంధించినది అనే ఆలోచన కుటుంబాల్లో ఉంది. సహజీవనంలో ఇద్దరి మధ్య విబేధాలు తలెత్తితే విడాకులు అనే ప్రస్తావనే ఉండదు. మనోవర్తి కూడా రాదు. మహిళలకు వివాహమే భద్రతను ఇస్తుందని అధ్యయనాలు కూడా వెల్లడిస్తున్నాయి. లివింగ్ టుగెదర్‌ను మగువలు పెళ్లి దిశగా ఓ ముందడుగుగా చూస్తుంటే.. అబ్బాయిలు మాత్రం టెస్ట్ డ్రైవ్‌గా చూస్తున్నారు.
స్థిరత్వం లేకపోవడం, కమిట్‌మెంట్ లోపించడం అనేది సహజీవనంలోని అతిపెద్ద సవాలు. పెళ్లి చేసుకున్న వారితో పోలిస్తే.. సహజీవనం చేసి వారి బంధం ఎక్కువ కాలం నిలవదు. ప్రేమ, ఆప్యాయత, సంతృప్తి పొందడం కూడా పెళ్లితో పోలిస్తే లివిన్ రిలేషన్‌షిప్‌లో తక్కువే. పెళ్లయిన వాళ్లు కూడా విడాకులు తీసుకుంటున్నారు.
పెళ్లి గురించి మీ అభిప్రాయం మార్చుకున్నారు. ఇప్పుడు తను మారాడు. కాబట్టి అతడి మైండ్‌సెట్‌ను కూడా ఓసారి దృష్టిలో ఉంచుకోండి. ఈ విషయాలన్నీ బేరీజు వేసుకొని ఓ అంచనాకు రండి. పెళ్లయినా, సహజీవనం అయినా.. ఇద్దరి మధ్య అవగాహన ఎంతో అవసరం.