చిగుళ్ల ఆరోగ్యానికి మేలు చేసే జీడిపప్పు..
Telangana Telugu | Suryaa Desk | Published : Thu, Oct 12, 2017, 10:25 AM
బాదం, జీడిపప్పులను తీసుకోవడం ద్వారా అందులో మంచి కొవ్వులు గుండె ఆరోగ్యాన్ని పెంపొందించడానికి తోడ్పడతాయి. పిస్తాలోని బీ6 విటమిన్ గుండె సమస్యలను నివారిస్తుంది. ఖర్జూరాలు రక్తనాళాలను గట్టిపడనీయకుండా చేస్తాయి. ఎండుద్రాక్ష, ఖుబానీ వంటి వాటిల్లో ఐరన్‌ దండిగా ఉంటుంది. అందువల్ల ఇవి రక్తహీనత బారినపడకుండా కాపాడతాయి.
జీడిపప్పులో కొలెస్ట్రాల్‌ అసలే ఉండదు. పిస్తాలోని మంచి కొవ్వులు కొలెస్ట్రాల్‌ స్థాయులను తగ్గిస్తాయి. ఎండుద్రాక్షలోని ఐరన్‌, ఫాస్ఫరస్‌, పొటాషియం, మెగ్నీషియం రక్తప్రసరణ సాఫీగా జరిగేందుకు తోడ్పడతాయి. ఎండుద్రాక్షలో విటమిన్ ఎ, క్యాల్షియం పుష్కలంగా వుంటాయి. ఇవి ఎముక పుష్టికి, చూపు బాగుండటానికి దోహదం చేస్తాయి.
జీడిపప్పులోని మెగ్నీషియం, క్యాల్షియం కండరాలు, చిగుళ్ల ఆరోగ్యానికి ఎంతో మేలు చేస్తాయి. బాదంపప్పులో క్యాల్షియంతో పాటు విటమిన్ ఇ కూడా ఎక్కువగానే ఉంటుంది. అందువల్ల ఇది ఎముకల పటుత్వానికే కాదు.. చర్మం ఆరోగ్యంగా ఉండటానికీ తోడ్పడుతుంది. వీటిని పొట్టు తీయకుండా తింటేనే మంచిది. ఎందుకంటే గుండెను కాపాడే ఫ్లావనాయిడ్లు ఈ పొట్టులోనే ఉంటాయని ఆరోగ్య నిపుణులు సూచిస్తున్నారు.
|
|
