ట్రెండింగ్
ఫారెస్ట్ ప్లస్ 2.0 కార్యక్రమం ప్రారంభం
Telangana Telugu | Suryaa Desk | Published : Wed, Nov 20, 2019, 11:28 AM
హైదరాబాద్: ఫారెస్ట్ ప్లస్ 2.0 కార్యక్రమాన్ని రాష్ర్ట అటవీశాఖ మంత్రి ఇంద్రకరణ్ రెడ్డి నేడు ప్రారంభించారు. అమెరికా అంతర్జాతీయ అభివృద్ధి సంస్థ సహకారంతో జలం - శ్రేయస్సు కోసం అడవులు అనే ధ్యేయంతో ఫారెస్ట్ ప్లస్ 2.0. కార్యక్రమాన్ని మెదక్ అటవీ డివిజన్ పరిధిలో అమలు చేయనున్నారు. యూఎస్ ఎయిడ్ - కేంద్ర అటవీ పర్యావరణ శాఖల సంయుక్త భాగస్వామ్యంతో ఫారెస్ట్ ప్లస్ 2.0 అమలు కానుంది. అటవీ పునరుజ్జీవనం, అడవుల్లో నీటి వనరుల అభివృద్ధికి యూఎస్ఎఐడీ సహకరించనుంది. నగరంలోని సోమాజిగూడలో గల ది పార్క్ హోటల్ లో నిర్వహించిన ఈ కార్యక్రమంలో యూఎస్ ఎయిడ్ ప్రతినిధుల వర్ఘిస్ పాల్, రమొనో, కేంద్ర అటవీ శాఖ ఐజి నోయాల్ థామస్, అర్. శోభ, అటవీ అభివృద్ధి సంస్థ వైస్ చైర్మన్ అండ్ ఎండీ రఘువీర్, అటవీ శాఖ అధికారులు పాల్గొన్నారు.
|
|
