తెలంగాణ ప్రజలకు శుభవార్త.. 101 యూనిట్ల వరకు ఉచిత విద్యుత్.. ఇంకా మరెన్నో..!
Telangana Telugu | Suryaa Desk | Published : Sun, Mar 08, 2020, 01:31 PM
తెలంగాణ రాష్ట్ర 2020-21 ఆర్థిక సంవత్సరానికిగానూ బడ్జెట్‌ను ఆర్థికశాఖమంత్రి హరీశ్ రావు అసెంబ్లీలో ప్రవేశపెట్టారు. తొలిసారి ప్రవేశపెట్టిన మంత్రి.. అన్ని వర్గాల సంక్షేమంతో పాటుగా.. అన్ని రంగాల అభివృద్ధి లక్ష్యంగా.. ఈ బడ్జెట్‌ను రూపొందించినట్లు తెలిపారు. మార్కెట్‌ ఇంటర్వెన్షన్‌ ఫండ్‌కు రూ.1000 కోట్లు, పాడి రైతుల ప్రోత్సాహకం కోసం రూ.100 కోట్లు ఈ బడ్జెట్‌లో కేటాయించారు. ఇక ఎస్సీ, ఎస్టీ విద్యార్థుల ఓవర్సీస్‌ స్కాలర్‌షిప్‌ కోసం రూ.20 లక్షల ఆర్థికసాయం అందించనున్నట్లు తెలిపారు. అంతేకాకుండా.. ఎస్సీ, ఎస్టీ గృహావసరాల కోసం.. 101 యూనిట్ల వరకు ఉచితంగా విద్యుత్ అందిస్తామన్నారు. ఇక ఎస్సీ, ఎస్టీ కార్పొరేషన్‌ రుణాలు, మైక్రో ఇరిగేషన్‌ కోసం సబ్సిడీని రెట్టింపు చేస్తున్నట్లు బడ్జెట్ ప్రసంగంలో ప్రకటించారు. మార్కెట్‌ చైర్మన్‌ పదవుల్లో కూడా ఇక నుంచి ఎస్సీ, ఎస్టీలకు రిజర్వేషన్లు కల్పిస్తామని స్పష్టం చేశారు. ఈ వర్గాల ఔత్సాహిక పారిశ్రామిక వేత్తలకు రూ.338 కోట్ల పారిశ్రామిక రాయితీలు కూడా అందించనున్నట్లు స్పష్టం చేశారు.
|
|
