ట్రెండింగ్
తీన్మార్ మల్లన కార్యాలయంపై దుండగుల దాడి
Telangana Telugu | Suryaa Desk | Published : Sun, Mar 19, 2023, 09:54 PM
తీన్మార్ మల్లన్న కార్యాలయంపై దుండుగులు దాడి చేసి విధ్వంసం సృష్టించారు. మేడ్చల్ జిల్లా మేడిపల్లి పోలీస్ స్టేషన్ పరిధిలోని పీర్జాదిగూడలో ఉన్న తీన్మార్ మల్లన్న(చింతపడు నవీన్)కు సంబంధించిన క్యూ న్యూస్ కార్యాలయంపై ఆదివారం మధ్యాహ్నం దాదాపు 20 మందికిపైగా గుర్తు తెలియని వ్యక్తులు దాడి చేశారు. ఆదివారం కావడంతో సిబ్బంది తక్కువగా ఉన్నారు. కార్యాలయంలోకి ప్రవేశించిన దుండగులు ఫర్నీచర్, కంప్యూటర్లను ధ్వంసం చేశారు. ఆ తర్వాత అక్కడ్నుంచి నిందితులు పరారయ్యారు. ఆ సమయంలో మల్లన్న కార్యాలయంలో లేరు. దాడి అనంతరం కార్యాలయ సిబ్బంది, మల్లన్న అనుచరులు రోడ్డుపైకి వచ్చి ఆందోళన చేపట్టారు.
|
|
