ఆ ఒక్క ఆధారంతో మిస్టరీని చేధించి, అప్ఘాన్‌‌ను ఓడించిన ఆసీస్
Telangana Telugu | Suryaa Desk | Published : Mon, Jan 29, 2018, 11:33 AM
అండర్-19 ప్రపంచకప్‌లో ఆస్ట్రేలియా ఫైనల్ చేరింది. సంచలన ప్రదర్శనతో సెమీస్ చేరిన అప్ఘానిస్థాన్‌ను 6 వికెట్ల తేడాతో ఓడించింది. సెమీఫైనల్లో టాస్ గెలిచి ముందుగా బ్యాటింగ్ చేసిన అప్ఘాన్ జట్టు 48 ఓవర్లలో 181 పరుగులకు ఆలౌట్ అయ్యింది. స్వల్ప లక్ష్యాన్ని ఆసీస్ 37.3 ఓవర్లలోనే చేధించింది. ఈ విజయంతో ఐదుసార్లు వరల్డ్ కప్ ఫైనల్ చేరిన ఆసీస్ పాకిస్థాన్ రికార్డ్‌‌ను సమం చేసింది.
అప్ఘానిస్థాన్ తరఫున వన్‌డౌన్‌ బ్యాట్స్‌మెన్ ఇక్రమ్ అలీ ఖిల్ 80 పరుగులతో టాప్ స్కోరర్‌గా నిలిచాడు. మిగతా బ్యాట్స్‌మెన్ ఎవరూ చెప్పుకోదగ్గ స్కోరు చేయకపోవడంతో.. అప్ఘాన్ జట్టు 181 పరుగులకే పరిమితమైంది. ఆసీస్ బౌలర్ జొనాథన్ మెర్లో 4 వికెట్లు తీయగా, జాక్ ఎవాన్స్ రెండు వికెట్లు పడగొట్టాడు.
స్వల్ప లక్ష్యంతో బరిలో దిగిన ఆసీస్ ఆరంభంలోనే ఓపెనర్ మ్యాక్స్ బ్రియాంట్ వికెట్‌ను కోల్పోయింది. కానీ మరో ఓపెనర్ జాక్ ఎడ్వర్డ్స్ (65 బంతుల్లో 72; 8x4, 2x6) ఎదురు దాడికి దిగాడు. దీంతో ఆసీస్ విజయం తేలికైంది.
|
|
