పెట్టుబడులకు భారత్ అనుకూల దేశం: మోడీ
Telangana Telugu | Suryaa Desk | Published : Tue, Feb 27, 2018, 03:23 PM
న్యూఢిల్లీలో జరుగుతున్న '2వ ఇండియా - కొరియా వ్యాపార సదస్సు'లో ప్రధాన మంత్రి నరేంద్ర మోడీ పాల్గొన్నారు. ఈ సందర్భంగా ఆయన మాట్లాడుతూ... పెట్టుబడులకు భారత్ అనుకూలమైన దేశమని వెల్లడించారు. పారిశ్రామిక వేత్తలు భారత్లో పెట్టుబడులు పెట్టాలని విజ్ఞప్తి చేశారు. ఇక్కడ పెట్టుబడులు పెట్టే వారికి ప్రభుత్వం అన్ని విధాలుగా సహకరిస్తుందని మోడీ చెప్పారు.దక్షిణ కొరియాతో స్నేహ సంబంధాలను మరింత బలోపేతం చేసే దిశలో ప్రభుత్వం పనిచేస్తోందన్నారు. కొరియా చిన్న దేశమైనప్పటికీ అద్భుత ప్రగతి సాధిస్తోందని కొనియాడారు.భారత్, కొరియా దేశాల మధ్య వ్యూహాత్మక వ్యాపార సంబంధాలు, పెట్టుబడులే లక్ష్యంగా ఈ సారి సదస్సును ఏర్పాటు చేశారు. ఈ సదస్సుకు భారత్, కొరియాలకు చెందిన దాదాపు 200 మంది వ్యాపారవేత్తలు హాజరయ్యారు. కేంద్ర మంత్రులు అరుణ్జైట్లీ, సురేశ్ ప్రభు, రవిశంకర్ ప్రసాద్ కూడా సదస్సులో ప్రసంగించారు.
|
|
