నేడు వరంగల్ జిల్లాలో కేటీఆర్ పర్యటన
Telangana Telugu | Suryaa Desk | Published : Mon, Mar 05, 2018, 08:55 AM
వరంగల్: రాష్ట్ర మంత్రి కేటీఆర్ ఇవాళ నగరంలో పర్యటించనున్నారు. ఉదయం 8.30కు హైదరాబాద్ నుంచి హన్మకొండకు బయలుదేరనున్నారు. ఉదయం 11.30కు హన్మకొండకు వెళ్తారు. అక్కడి నుంచి హసన్‌పర్తి మండలం అనంతసాగర్‌కు వెళ్తారు. అక్కడ ఐటీ ఇంక్యుబేషన్ కేంద్రాన్ని కేటీఆర్ ప్రారంభిస్తారు. మధ్యాహ్నం 12.30కు పశ్చిమ ఎమ్మెల్యే క్యాంపు కార్యాలయం ప్రారంభోత్సవానికి కేటీఆర్ హాజరవుతారు. ఈ కార్యాలయాన్ని డిప్యూటీ సీఎం, విద్యా శాఖ మంత్రి కడియం శ్రీహరితో కలిసి ప్రారంభిస్తారు. అనంతరం మధ్యాహ్నం 2.15కు గీసుకొండ మండలంలో కాకతీయ మెగా టెక్స్‌టైల్ పార్క్ పనులను మంత్రి పరిశీలించనున్నారు. తర్వాత మధ్యాహ్నం 3.30కి పరకాల నియోజకవర్గంలో పలు అభివృద్ధి పనులకు కేటీఆర్ శంకుస్థాపన చేయనున్నారు. సెంట్రల్ లైటింగ్ సిస్టం పనులకు శంకుస్థాపన చేసిన అనంతరం జరిగే బహిరంగ సభలో కేటీఆర్ పాల్గొంటారు. తిరిగి రాత్రి 8.30కు హైదరాబాద్ బయలుదేరుతారు.
|
|
