ఫ్యాబ్‌సిటీలో కేబుల్ 5 జీ పరిశ్రమ
Telangana Telugu | Suryaa Desk | Published : Mon, Mar 12, 2018, 09:19 AM
మహేశ్వరం : మేక్ ఇన్ ఇండియాలో భాగంగా మండలంలోని ఫ్యాబ్‌సిటీ (ఈసిటీ)లోని రావిర్యాల రెవెన్యూలో 20 ఎకరాల్లో హిమాచల్ ఫ్యూచరింగ్ కమ్యూనికేషన్ లిమిటెడ్ కంపెనీ ఏర్పాటవుతున్నది. ఈ రోజు ఉదయం ఈ కంపెనీ శంకుస్థాపనకు ముఖ్యఅతిథిగా రాష్ట్ర ఐటీ శాఖామంత్రి కేటీఆర్, రాష్ట్ర రవాణాశాఖ మంత్రి పట్నం మహేందర్‌రెడ్డి, మహేశ్వరం ఎమ్మెల్యే తీగల కృష్ణారెడ్డి, ఇండ్రస్ట్రీస్ అండ్ కామర్స్, ప్రభుత్వ కార్యదర్శి జయేశ్‌రంజన్ హాజరవుతున్నారని పరిశ్రమ నిర్వాహకులు తెలిపారు. ఈ కంపెనీ హెచ్‌ఎఫ్‌సీఎల్ గ్రూపునకు చెందిన ఆఫ్టికల్ ఫైబర్ ప్లాంటులో కేబుల్ 5జీ ప్రధానంగా తయారవుతుందన్నారు. మొదటి విడతలో అంతర్జాతీయ కంపెనీలో పెద్ద ఎత్తున నిరుద్యోగులకు బీటెక్‌లోని ఎలక్ట్రానిక్ కమ్యూనికేషన్ స్కిల్స్ వారికి ఉద్యోగ అవకాశాలు దక్కనున్నాయి. హెచ్‌ఎఫ్‌సీఎల్ పౌండేషన్ నుంచి స్థానికంగా ఉన్న గ్రామాలు ప్రజలకు, వృద్ధులకు వైద్య సేవలు అందించడం కోసం ప్రత్యేక వాహనం ఏర్పాటు చేశామని చెప్పారు. ఈ కంపెనీ శంకుస్థాపనకు నిర్వాహకులు అన్ని ఏర్పాట్లు చేశారు.
|
|
