గ్రామీణ స్థానిక సంస్థలకు రూ.1500 కోట్లు, పట్టణాభివృద్ధికి రూ. వెయ్యి కోట్లు
Telangana Telugu | Suryaa Desk | Published : Thu, Mar 15, 2018, 11:31 AM
స్థానిక సంస్థల అభివృద్ధి కోసం ఈ బడ్జెట్ లో రూ.1500 కోట్లు కేటాయించారు. అలాగే పట్టణాభివృద్ధికి రూ. వెయ్యి కోట్లు కేటాయించారు. అలాగే రాష్ట్ర ప్రభుత్వం ప్రతిష్టాత్మకంగా అమలు చేస్తున్న కల్యాణ లక్ష్మి, షాదీ ముబారక్ పథకాలకు 1450 కోట్ల రూపాయలు కేటాయించారు. ఇక మహిళా శిశు సంక్షేమం కోసం బడ్జెట్ లో 1799 కోట్ల రూపాయలు కేటాయించారు. తెలంగాణ బడ్జెట్ లో డబుల్ బెడ్ రూం ఇళ్లకు 2,643 కోట్ల రూపాయలను ఈటల కేటాయించారు. అలాగే పంటల పెట్టుబడి పథకానికి ఈ ఏడాది బడ్జెట్లో 12 వేల కోట్ల రూపాయలను కేటాయించారు. ఇక నీటి పారుదల రంగానికి పాతిక వేల కోట్ల రూపాయలకు కేటాయించారు. రైతు బీమా పథకానికి 500 కోట్ల రూపాయలు, వ్యవసాయ యాంత్రీకరణకు 522 కోట్లు కేటాయించారు. తమ ప్రభుత్వం బీసీ సంక్షేమానికి పెద్ద పీట వేస్తున్నదని చెప్పిన ఆర్థిక మంత్రి ఈ బడ్జెట్ లో బీసీ సంక్షేమ ప్రత్యేక నిధికి రూ.16453 కోట్లు కేటాయించారు. అలాగే ఎస్టీ ప్రత్యేక నిథికి 9,693 కోట్ల రూపాయలు, ఎస్సీ సంక్షేమ నిధికి 12,709 కోట్ల రూపాలయలు కేటాయించారు. దళితులకు మూడు ఎకరాల భూ పంపిణీకి 1469 కోట్ల రూపాయలు కేటాయించారు.
|
|
