ట్రెండింగ్
850 కెమెరాలతో సిద్ధిపేట పట్టణంలో నిఘా
Telangana Telugu | Suryaa Desk | Published : Sun, Jul 30, 2017, 03:15 PM
సిద్ధిపేట జిల్లా కేంద్రంలో 850 సీసీ కెమెరాలతో నిఘా ఏర్పాటు చేశామని మంత్రి హరీశ్‌రావు వెల్లడించారు. సిద్ధిపేటలో రూ.1.58 కోట్లతో అధునాతన సిగ్నలింగ్ వ్యవస్థ ఏర్పాటైందన్నారు. సీపీ కార్యాలయంలో కమాండ్ కంట్రోల్ సిస్టమ్‌ను మంత్రి హరీశ్‌రావు ప్రారంభించారు. ఈ సందర్భంగా మంత్రి హరీశ్‌రావు మాట్లాడుతూ అధునాతన సాంకేతిక పరిజ్ఞానంతో ప్రజలకు మెరుగైన సేవలు అందించాలని సూచించారు. పోలీస్ వ్యవస్థ బలోపేతంతోనే నేరరహిత సమాజ నిర్మాణం సాధ్యమవుతున్నదని పేర్కొన్నారు. పోలీస్ శాఖలో ఖాళీల భర్తీకి ప్రభుత్వం సిద్ధంగా ఉందన్నారు. ఇప్పటికే 9వేల మంది కానిస్టేబుళ్లుగా ఎంపికై శిక్షణలో ఉన్నారు. మరో 10 వేల పోలీస్ ఉద్యోగాలకు నోటిఫికేషన్ రానుందన్నారు. పోలీసుల సంక్షేమం కోసం ప్రభుత్వం కృషి చేస్తోందన్నారు. ఈ కార్యక్రమంలో డీఐజీ శివశంకర్‌రెడ్డి, సీపీ శివకుమార్ పాల్గొన్నారు.
|
|
